Salmo 59:1-17

  • Ti Dios, maysa a kalasag ken pagkamangan

    • ‘Dimo kaasian dagiti traidor’ (5)

    • “Agkantaakto maipapan iti pigsam” (16)

Iti direktor; naisurot iti tono ti “Saanmo a Dadaelen.” Salmo ni David. Miktam.* Idi nangibaon ni Saul kadagiti mapan agsiput iti balay ni David tapno mapapatay.+ 59  Isalakannak kadagiti kabusorko, O Diosko;+Salaknibannak kadagidiay mangdarup kaniak.+   Isalakannak kadagiti agar-aramid iti dakes,Ken ispalennak kadagiti naranggas* a tattao.   Kitaem! Agur-urayda a mangtambang kaniak;*+Napipigsa a tattao dagiti mangdarup kaniakNgem saan a gapu ta nagrebelde wenno nagbasolak,+ O Jehova.   Awan ti dakes nga inaramidko ngem agsagsaganada a dumarup kaniak. Kitaem ti mapaspasamak kaniak ket arayatennak.   Ta sika, O Jehova a Dios dagiti armada, ti Dios ti Israel.+ Agtignayka ket kitaem ti mapaspasamak iti amin a nasion. Dimo kaasian ti asinoman a traidor.+ (Selah)   Rinabii nga agsublida;+Kasda la kadagiti aso nga agtagtaguob*+ ken agsursursor iti siudad.+   Kitaem ti rumrummuar* iti ngiwatda;Kasla espada dagiti bibigda,+Ta ibagbagada: “Asino koma ti makaammo a datayo ti nangibaga iti dayta?”+   Ngem katawaamto ida, O Jehova;+Katawaamto ti amin a nasion.+   Itultuloykanto nga urayen, O Diosko, sika a Pigsak;+Ta sika ti natalged a pagkamangak.+ 10  Tulongannakto ti Dios a napudno ti panagayatna kaniak;+Ipakitanto ti Dios kaniak ti pannakaabak dagiti kabusorko.+ 11  Dimo ida patpatayen, tapno saan a makalipat dagiti kailiak. Usarem ti pannakabalinmo a mangiwarawara kadakuada;Sa parmekemto ida, O Jehova, a kalasagmi.+ 12  Ta agbasbasolda iti panagsasaoda,Matiliwda koma gapu iti panagpannakkelda,+Gapu ta agilunlunod ken agul-ulbodda. 13  Dadaelem ida gapu iti pungtotmo;+Dadaelem ida tapno mapukawdan;Ipakaammom kadakuada a ti Dios ket agturturayen iti Jacob ken iti intero a daga.+ (Selah) 14  Bay-am nga agsublida iti rabii;Bay-am a kasda la kadagiti aso nga agtagtaguob* ken agsursursor iti siudad.+ 15  Bay-am nga agbirokda iti kanenda;+Dimo ipalubos a mabsogda wenno makasarakda iti umyananda. 16  Ngem agkantaakto maipapan iti pigsam;+Iti agsapa, siraragsak nga ipakaammokto ti napudno nga ayatmo. Ta sika ti natalged a pagkamangak+Ken pagtarayak iti tiempo ti rigat.+ 17  O Diosko, sika ti Pigsak, agkantaakto iti panangidaydayaw* kenka,+Ta ti Dios ti natalged a pagkamangak, ti Dios a napudno ti panagayatna kaniak.+

Footnotes

Kitaem ti Glosario.
Wenno “magagaran a pumatay.”
Wenno “iti kararuak.”
Wenno “agtataul.”
Wenno “dagiti labutab.”
Wenno “agtataul.”
Wenno “agputarakto iti musika.”