Salmo 16:1-11

  • Ni Jehova ti Naggapuan ti amin a naimbag

    • ‘Ni Jehova ti bingayko’ (5)

    • ‘Iti rabii, dagiti pampanunotko ilintegdak’ (7)

    • ‘Adda ni Jehova iti makannawan nga imak’ (8)

    • “Dinakto baybay-an iti Tanem” (10)

Miktam* ni David. 16  Salaknibannak, O Dios, ta nagkamangak kenka.+   Kinunak ken Jehova: “Sika ni Jehova, ti Naggapuan ti amin a nasayaat nga adda kaniak.   Dagiti nasantuan a tattao iti daga,Dagiti natan-ok, isuda ti mangparparagsak unay kaniak.”+   Dagidiay kayatda ti agserbi kadagiti sabali a dios umadu ti problemada.+ Diakto pulos agidaton kadagita iti daton a dara,Diakto met pulos awagan dagiti naganda.*+   Ni Jehova ti kopak,+ ti bingayko,+ ken ti naikeddeng a binglayko, Salsaluadam ti tawidko.   Intedmo kaniak dagiti nagsayaat a disso. Wen, mapmapnekak iti impatawidmo.+   Idaydayawkonto ni Jehova a mangbalbalakad kaniak.+ Uray iti rabii, dagiti kaunggan a pampanunotko* ilintegdak.+   Kanayon nga adda iti sanguanak ni Jehova.+ Gapu ta adda iti kannawan nga imak, saanakto a pulos maan-ano.*+   Isu nga agrag-o ti pusok ken ti intero a kinataok.* Ken agbiagakto* a natalged ti riknak. 10  Ta dinakto baybay-an iti Tanem.*+ Dimonto ipalubos a makita daydiay napudno nga adipenmo ti abut.*+ 11  Impakaammom kaniak ti dalan ti biag.+ Adda naruay a rag-o iti sanguanam;*+Adda agnanayon a kinaragsak iti kannawan nga imam.

Footnotes

Kitaem ti Glosario.
Kayatna a sawen, nagan dagiti didiosen.
Wenno “kaunggan nga emosionko.” Lit., “dagiti batok.”
Wenno “agibar-ibar (agdiwengdiweng).”
Lit., “ti dayagko.”
Wenno “agnaedakto.”
Wenno “Sheol,” kayatna a sawen, simboliko a pagtungpalan dagiti natay. Kitaem ti Glosario.
Wenno mabalin a, “panagrupsa.”
Lit., “iti rupam.”