Salmo 100:1-5

  • Panagyaman iti Namarsua

    • “Agserbikayo ken Jehova a siraragsak” (2)

    • ‘Ti Dios ti nangaramid kadatayo’ (3)

Kanta ti panagyaman. 100  Agriawkayo a siraragsak ken idaydayawyo ni Jehova, dakayo amin iti daga.+   Agserbikayo ken Jehova a siraragsak.+ Umaykayo iti sanguananna ket agkantakayo a siraragsak.   Ammuenyo* a ni Jehova ket Dios.+ Isu ti nangaramid kadatayo, ket kukuanatayo.*+ Datayo ti tattaona ken dagiti karnero iti pagpastoranna.+   Sumrekkayo kadagiti ruanganna ken agyamankayo kenkuana,+Sumrekkayo iti paraanganna ket agdaydayawkayo kenkuana.+ Agyamankayo kenkuana, idaydayawyo ti naganna.+   Ta naimbag* ni Jehova;+Agnanayon ti napudno nga ayatna,Ken ti kinamatalekna iti amin a henerasion.+

Footnotes

Wenno “Bigbigenyo.”
Wenno mabalin a, “ket saan a datayo.”
Wenno “nasayaat.”