Salmo 127:1-5

  • Awan serserbi ti amin a banag no awan ti Dios

    • “No saan a ni Jehova ti mangbangon iti balay” (1)

    • Dagiti annak, bendision a naggapu iti Dios (3)

Kanta Dagiti Sumangsang-at. Salmo ni Solomon. 127  No saan a ni Jehova ti mangbangon iti balay,Awan serserbi ti panagbannog dagiti nangibangon iti dayta.+ No saan a ni Jehova ti mangbantay iti siudad,+Awan serserbi ti panagbantay ti guardia.   Awan serserbina a nagriingkayo a nasapa,Ken naladawkayo a naturog,Ken kanenyo ti nagrigatanyo.Ta isu ti mangmangted iti kasapulan dagiti ay-ayatenna bayat nga ipapaayanna ida iti naimas a turog.+   Kitaenyo! Dagiti annak* ket impatawid ni Jehova;+Ti bunga ti aanakan ket bendision.+   Kas kadagiti pana iti ima ti napigsa a lalaki,Kasta ti annak a mayanak bayat ti kinaagtutubo.+   Naragsak ti lalaki a nangpunno iti pagikargaanna kadagiti kasta a pana.+ Saandanto a maibabain,Ta makisaritadanto kadagiti kabusor iti ruangan ti siudad.

Footnotes

Wenno “annak a lallaki.”