Salmo 99:1-9

  • Ni Jehova, ti nasantuan nga Ari

    • Agtugtugaw iti ngatuen dagiti kerubin (1)

    • Dios a mangpakawan ken mangdusa (8)

99  Ni Jehova ket nagbalinen nga Ari.+ Agpigerger koma dagiti tattao. Isu ket agtugtugaw iti ngatuen* dagiti kerubin.+ Agdayyeg koma ti daga.   Ni Jehova ket naindaklan idiay Sion,Ken agturturay iti amin a nasion.+   Idaydayawda koma ti naindaklan a naganmo,+Ta nakaskasdaaw ken nasantuan dayta.   Mannakabalinka nga ari a mangay-ayat iti hustisia.+ Impasdekmo a sititibker ti kinalinteg. Impaaymo ti kinahustisia ken kinalinteg+ ken ni Jacob.   Idaydayawyo ni Jehova a Diostayo+ ken agruknoykayo* iti sango ti pagbatayan ti sakana;+Isu ket nasantuan.+   Karaman da Moises ken Aaron kadagiti papadina,+Ken ni Samuel ti maysa kadagiti umaw-awag iti naganna.+ Immawagda ken Jehova,Ket sinungbatanna ida.+   Manipud iti sinan-adigi nga ulep, nakisarita kadakuada.+ Kanayon a tinungpalda dagiti pammalagip ken linteg nga intedna kadakuada.+   O Jehova a Diosmi, sinungbatam ida.+ Sika ti Dios a nangpakawan kadakuada,+Ngem dinusam ida* gapu kadagiti basolda.+   Idaydayawyo ti Diostayo a ni Jehova+Ken agruknoykayo* iti sanguanan ti nasantuan a bantayna.+Ta nasantuan ti Diostayo a ni Jehova.+

Footnotes

Wenno mabalin a, “nagbaetan.”
Wenno “agdaydayawkayo.”
Lit., “impakatmo ti pammales kadakuada.”
Wenno “agdaydayawkayo.”