Salmo 83:1-18
Kanta ni Asaf.+
83 O Dios, dika agulimek;+Agsaoka ken agtignayka, O Nasantuan a Dios.
2 Ta kitaem! Agar-ariwawa dagiti kabusormo;+Karkaritendaka* dagiti manggurgura kenka.
3 Adda nalimed a planoda maibusor kadagiti tattaom;Agkukumplotda maibusor kadagiti ipatpategmo.*
4 Kinunada: “Umaykayo, patayentay ida kas nasion,+Tapno malipatanen ti nagan nga Israel.”
5 Nagtutulagda a sangsangkamaysa;*Nangaramidda iti aliansa* maibusor kenka+—
6 Dagiti tolda ti Edom ken dagiti Ismaelita, Moab+ ken dagiti Hagrita,+
7 Ti Gebal ken Ammon+ ken Amalek,Ti Filistia+ agraman dagiti umili ti Tiro.+
8 Nakikadua met kadakuada ti Asiria;+Sinuportaranda* dagiti annak ni Lot.+ (Selah)
9 Aramidem kadakuada ti inaramidmo iti Midian,+Kas iti inaramidmo kada Sisera ken Jabin idiay waig ti Kison.+
10 Napapatayda amin idiay En-dor;+Kasda la ganagan iti daga.
11 Dagiti natan-ok kadakuada ket pagbalinem a kas kada Oreb ken Zeeb,+Dagiti prinsipeda* ket pagbalinem a kas kada Zeba ken Zalmuna,+
12 Ta kinunada: “Tagikuaentayo ti daga a pagnanaedan ti Dios.”
13 O Diosko, pagbalinem ida a kas iti maitaytayab a nagango a siitan a mula,+Kas iti garami nga itayab ti angin.
14 Kas iti apuy a mangpuor iti kabakiran,Ken kas iti gil-ayab a mangkesset iti kabambantayan,+
15 Isu a kamatem koma ida babaen ti nadawel a bagyom+Ken butbutngem ida babaen ti alipugpogmo.+
16 Abbongam* ti rupada iti pannakaibabain,Tapno birokenda ti naganmo, O Jehova.
17 Agnanayon koma a maibabainda ken mapabutnganda;Maipababada koma ken madadaelda;
18 Maammuan koma dagiti tattao a sika, nga agnagan Jehova,+Sika laeng ti Kangatuan iti intero a daga.+
Footnotes
^ Wenno “Ingatngatoda ti uloda.”
^ Lit., “kadagiti inlemmengmo.”
^ Lit., “Nagkaykaysada a nagkikinnonsulta buyogen ti puso.”
^ Wenno “tulag.”
^ Lit., “Nagbalinda a takiag.”
^ Wenno “liderda.”
^ Lit., “Punnuem.”
