Salmo 97:1-12

  • Adayo a natantan-ok ni Jehova ngem kadagiti sabali a dios

    • “Ni Jehova ket nagbalinen nga Ari!” (1)

    • Ayatenyo ni Jehova, guraenyo ti dakes (10)

    • Lawag kadagiti nalinteg (11)

97  Ni Jehova ket nagbalinen nga Ari!+ Agrag-o koma ti daga.+ Agragsak koma ti adu nga isla.+   Dagiti ulep ken ti napuskol a kinasipnget ti adda iti aglawlawna;+Kinalinteg ken kinahustisia ti pundasion ti tronona.+   Adda apuy iti sanguananna+A manguram kadagiti kabusorna iti aglikmutna.+   Dagiti kimatna ti manglawag iti daga;Makita dayta ti daga ket agpigerger.+   Dagiti bantay ket malunag a kas iti allid gapu ken Jehova,+Gapu iti Apo ti intero a daga.   Iwaragawag ti langit ti kinalintegna,Ket makita ti amin a tattao ti dayagna.+   Mapabainan koma ti amin nga agdaydayaw iti aniaman a kinitikitan nga imahen,+Dagidiay mangipangpangas kadagiti awan serserbina a didiosenda.+ Agruknoykayo* kenkuana, dakayo amin a didiosen.+   Mangngeg dayta ti Sion ket agragsak;+Agrag-o dagiti ili* iti JudaGapu kadagiti pangngeddengmo, O Jehova.+   Ta sika, O Jehova, ti Kangatuan iti intero a daga;Adayo a natantan-okka ngem iti amin a sabali a dios.+ 10  O dakayo a mangay-ayat ken Jehova, guraenyo ti dakes.+ Salsalaknibanna ti biag* dagiti napudno kenkuana;+Isalakanna ida iti ima* dagiti managdakdakes.+ 11  Rimmaniag ti lawag kadagiti nalinteg+Ken agragragsak dagiti nalinteg ti pusoda. 12  Dakayo a nalinteg, agrag-okayo ken Jehova,Ken agyamankayo iti nasantuan a naganna.*

Footnotes

Wenno “Agdaydayawkayo.”
Lit., “annak a babbai.”
Wenno “kararua.”
Wenno “pannakabalin.”
Lit., “pakalaglagipanna.”