Salmo 112:1-10
112 Idaydayawyo ni Jah!*+
א [Alef]Naragsak ti tao nga agbuteng ken Jehova,+ב [Beth]A maragragsakan unay kadagiti bilinna.+
ג [Gimel]
2 Dagiti putotna ket agbalinto a mannakabalin ditoy daga.
ד [Daleth]Ken mabendisionanto ti kaputotan dagiti nalinteg a tattao.+
ה [He]
3 Dagiti sanikua ken kinabaknang ket adda iti balayna,ו [Waw]Ken agnanayon ti kinalintegna.
ז [Zayin]
4 Agraniag kadagiti nalinteg a kas iti lawag iti kasipngetan.+
ח [Heth]
Isu ket mannakipagrikna* ken naasi+ ken nalinteg.
ט [Teth]
5 Nasayaat ti pagbanagan ti tao a naparabur* nga agpautang.+
י [Yod]
Hustisia ti nakaibatayan dagiti aramidna.
כ [Kaf]
6 Saanto a pulos maan-ano.+
ל [Lamed]
Ti nalinteg ket agnanayonto a malaglagip.+
מ [Mem]
7 Saanto a mabuteng iti dakes a damag.+
נ [Nun]
Natibker ti pusona, ta agtaltalek ken Jehova.+
ס [Samekh]
8 Natured* ti pusona; saan a mabuteng;+
ע [Ayin]Inton agangay, makitananto ti pannakaabak dagiti kabusorna.+
פ [Pe]
9 Adu ti winarasanna;* inikkanna dagiti napanglaw.+
צ [Tsade]Agtultuloy ti kinalintegna iti agnanayon.+
ק [Qof]
Maipadayagto ti pigsana.*
ר [Resh]
10 Makitanto ti managdakdakes ket makapungtot.
ש [Shin]
Agngarietto ket mapukawto.
ת [Taw]
Ti tarigagay dagiti managdakdakes ket awanton.+
Footnotes
^ Wenno “Hallelujah!” Ti “Jah” ket napaababa a porma ti nagan a Jehova.
^ Wenno “nakonsiderar.”
^ Wenno “nakonsiderar.”
^ Wenno “Determinado; Natibker.”
^ Wenno “Nakaparparabur.”
^ Lit., “sarana.”
