Salmo 80:1-19

  • Kiddaw a panangparabur manen ti Pastor ti Israel

    • “O Dios, paraburannakami koma manen” (3)

    • Ti Israel kas puon ti ubas a kukua ti Dios (8-15)

Iti direktor; naisurot iti tono “Dagiti Lirio.” Maysa a palagip. Salmo ni Asaf.+ Kanta. 80  Umimdengka, O Pastor ti Israel,Sika a mangiturturong ken Jose a kas iti maysa nga arban.+ Sika a nakatugaw iti trono iti ngatuen* dagiti kerubin,+Agsilnagka.*   Iti sanguanan ti Efraim, Benjamin, ken Manases,Ipakitam ti pannakabalinmo;+Umayka ket isalakannakami.+   O Dios, paraburannakami koma manen;+Agraniag koma ti rupam kadakami tapno maisalakankami.+   Jehova a Dios dagiti armada, agingga a kaano a dimo ipangag ti* kararag ti tattaom?+   Pakpakanem ida iti lulua kas pannakatinapayda,Papainumem ida iti nakaad-adu a lulua.   Ipalpalubosmo a pagaapaandakami dagiti kaarrubami;Agpappapas dagiti kabusormi a manguy-uyaw kadakami.+   O Dios dagiti armada, paraburannakami koma manen;Agraniag koma ti rupam kadakami tapno maisalakankami.+   Adda puon ti ubas+ nga inruarmo manipud Egipto. Pinapanawmo dagiti nasion iti dagada ket immulam dayta.+   Dinalusam ti disso a pakaimulaanna,Ket nagramut ken nagsaknap iti daga.+ 10  Anniniwanna ti nanglinong iti kabambantayan,Ket dagiti sangana ti nanglinong kadagiti sedro nga immula ti Dios. 11  Dimmanon dagiti sangana agingga iti baybay,Ken dagiti uggotna agingga iti Karayan.*+ 12  Apay a rinebbam dagiti bato a pader ti kaubasan+Isu a nawayan ti amin nga aglabas a mangpuros kadagiti bungana?+ 13  Sabsabsaben ken baddebaddeken dayta dagiti alingo,Ken kankanen dayta dagiti atap nga animal iti tay-ak.+ 14  O Dios dagiti armada, pangngaasim ta agsublika. Tumannawagka manipud langit ket kumitaka! Aywanam daytoy a puon ti ubas,+ 15  Ti puon* nga immula ti makannawan nga imam,+Ket kitaem ti saringit* a pinadakkelmo agpaay a pakaidaydayawam.+ 16  Napuoran+ ken napukan dayta. Gapu iti panangtubngarmo,* nadadaelda. 17  Tulongam koma ti tao nga adda iti makannawan nga imam,Ti anak ti tao a pinapigsam agpaay a pakaidaydayawam.+ 18  Iti kasta, saandakanto a tallikudan. Pagtalinaedennakami a sibibiag tapno maawaganmi ti naganmo. 19  O Jehova a Dios dagiti armada, paraburannakami koma manen;Agraniag koma ti rupam kadakami tapno maisalakankami.+

Footnotes

Wenno mabalin a, “nagbaetan.”
Wenno “Ipakitam ti kinaraniagmo.”
Lit., “a makaungetka iti.”
Kayatna a sawen, ti Eufrates.
Wenno “kangrunaan a sanga ti ubas.”
Wenno “sanga.”
Lit., “panangtubngar ta rupam.”