Salmo 92:1-15
Kanta para iti aldaw ti Sabbath.
92 Nasayaat ti agyaman kenka Jehova+Ken ti agkanta iti panangidaydayaw* iti naganmo, O Kangatuan,
2 Tapno binigat a maipakaammo ti napudno nga ayatmo+Ken rinabii a maibaga ti kinamatalekmo,
3 A danggayan ti salterio* ken ti pagtokar a sangapulo ti kuerdasna,Ken ti makaay-ayo nga uni ti arpa.+
4 Ta pinaragsaknak, O Jehova, gapu kadagiti aramidmo;Gapu iti inaramid dagiti imam, agriawak a siraragsak.
5 O Jehova, anian a naindaklan dagiti aramidmo!+
Nakaun-uneg dagiti pampanunotmo!+
6 Saan a kabaelan nga ammuen dagitoy ti maag;Ken awan ti maag a makatarus iti daytoy:+
7 Uray no agtubo a kas iti ruot dagiti managdakdakesKen umadu ti amin nga agar-aramid iti dakes,Madadaeldanto met laeng iti agnanayon.+
8 Ngem agnanayon a maitan-okka, O Jehova.
9 Kitaem ti pannakaabak dagiti kabusormo, O Jehova,Kitaem ti pannakapukaw dagiti kabusormo;Maiwarawaranto ti amin nga agar-aramid iti dakes.+
10 Ngem nayonamto ti pigsak* a kas iti atap a baka;Sapsapuakto ti kudilko iti kabbaro a lana.+
11 Kitaekto ti pannakaabak dagiti kabusorko;+Mangngegkonto ti pannakadadael dagiti managdakdakes a dumarup kaniak.
12 Ngem dagiti nalinteg ket rumangpayanto a kas iti kayo a palmaKen dumakkel a kas iti kayo a sedro ti Lebanon.+
13 Naimulada iti balay ni Jehova;Rumangrangpayada kadagiti paraangan ti Diostayo.+
14 Uray inton nataengandan,* agtultuloyda a rumangpaya;+Agtalinaedda latta a nakired* ken napigsa,+
15 A mangiwaragawag a nalinteg ni Jehova.
Isu ti Dakkel a Bato+ a pagkamangak, ket awan ti kinakillo kenkuana.
Footnotes
^ Wenno “agputar iti musika.”
^ Maysa a kita ti dekuerdas a pagtokar.
^ Lit., “sarak.”
^ Wenno “ubanandan.”
^ Lit., “nalukmeg.”
