Salmo 116:1-19

  • Kanta ti panagyaman

    • “Ania ti isubadko ken Jehova?” (12)

    • “Awatekto ti kopa ti pannakaisalakan” (13)

    • “Tungpalekto dagiti karik ken Jehova” (14, 18)

    • Napateg ti ipapatay dagiti napudno (15)

116  Ay-ayatek ni JehovaTa dengdenggenna ti* timekko, dagiti panagpatulongko.+   Ta inyasidegna ti lapayagna* kaniak,+Ket umawagakto kenkuana bayat a sibibiagak.*   Dagiti tali ni patay pinulipolandak;Ni Tanem pinetpetannak.*+ Da rigat ken ladingit ti nanglemmes kaniak.+   Ngem immawagak iti nagan ni Jehova:+ “O Jehova, isalakannak!”   Ni Jehova ket mannakipagrikna* ken nalinteg;+Ti Diostayo ket manangngaasi.+   Salsaluadan ni Jehova dagidiay awanan kapadasan.+ Kimmapsutak, ket insalakannak.   Saanton a mariribukan pay ti kararuak,*Ta kinaasiannak ni Jehova.   Inlisinak ken patay,Pinasardengmo ti panagarubos dagiti luak ken linapdam ti pannakaitibkol ti sakak.+   Magnaakto iti sango ni Jehova iti daga dagiti sibibiag. 10  Adda pammatik isu a nagsaoak;+Nupay napalalo ti pannakaparigatko. 11  Kasta unay idi ti butengko isu a kinunak: “Ulbod amin a tao.”+ 12  Ania ti isubadko ken JehovaGapu iti amin a naimbag nga inaramidna kaniak? 13  Awatekto ti kopa ti pannakaisalakan,*Ken umawagakto iti nagan ni Jehova. 14  Tungpalekto dagiti karik ken JehovaIti sanguanan ti amin a tattaona.+ 15  Napateg iti imatang ni JehovaTi ipapatay dagiti napudno kenkuana.+ 16  Agpakaasiak kenka, O Jehova,Ta siak ket adipenmo. Adipennak, ti anak ti adipenmo a babai. Winarwarmo dagiti naigalut kaniak.+ 17  Itedkonto kenka dagiti daton ti panagyaman;+Umawagakto iti nagan ni Jehova. 18  Tungpalekto dagiti karik ken Jehova+Iti sanguanan ti amin a tattaona,+ 19  Kadagiti paraangan ti balay ni Jehova,+Iti tengngam, O Jerusalem. Idaydayawyo ni Jah!*+

Footnotes

Wenno mabalin nga, “Ay-ayatek ni Jehova ta dumdumngeg iti.”
Wenno “nagparintumeng tapno agimdeng.”
Lit., “kadagiti al-aldawko.”
Lit., “Nabirokandak dagiti panagrigrigat iti Sheol.”
Wenno “nakonsiderar.”
Kitaem ti Glosario.
Wenno “naindaklan a pannakaisalakan.”
Wenno “Hallelujah!” Ti “Jah” ket napaababa a porma ti nagan a Jehova.