Salmo 57:1-11

  • Panagkiddaw iti pabor

    • Agkamang iti sirok dagiti payak ti Dios (1)

    • Matnag dagiti kabusor iti mismo a pagsiloda (6)

Iti direktor; naisurot iti tono ti “Saanmo a Dadaelen.” Salmo ni David. Miktam.* Idi naglemmeng iti kueba gapu ta itartarayanna ni Saul.+ 57  Kaasiannak, O Dios, kaasiannak,Ta sika ti pagkamangak,+Ket agkamangak iti sirok dagiti payakmo agingga nga awanen dagiti pakarigatak.+   Umawagak iti Dios a Kangatuan,Iti pudno a Dios a mamagpatingga kadakuada maigapu kaniak.   Manipud langit, tulongan ken isalakannakto.+ Paayennanto daydiay mangdardarup kaniak. (Selah) Ipakitanto ti Dios ti napudno nga ayat ken ti kinamatalekna.+   Pinalikmutandak dagiti leon;+Kapilitan nga agiddaak iti abay dagiti tattao a mayat a mangalun-on kaniak,A kas kadagiti pika ken pana dagiti ngipendaKen kas iti natadem nga espada ti dilada.+   O Dios, maitan-okka koma iti ngatuen ti langit;Maipadayagka koma iti intero a daga.+   Nangisaganada iti iket a pangsiloda kadagiti sakak;+Mariribukan unay ti riknak.+ Nagkalida iti abut iti masungad a pagnaak,Ngem isuda a mismo ti natnag.+ (Selah)   O Dios, natibker ti pusok,+Natibker ti pusok. Agkantaakto ken mangputarak iti musika.   O pusok, agriingka. Agriingka, O pagtokar nga adda kuerdasna; ken uray sika, O arpa. Agriingakto a masapa.+   Idaydayawkanto iti tengnga dagiti tattao, O Jehova;+Iti tengnga dagiti nasion, agkantaakto iti panangidaydayaw* kenka.+ 10  Ta dakkel ti napudno nga ayatmo, kas iti kangato ti langit,+Ken dumanon iti tangatang ti kinamatalekmo. 11  O Dios, maitan-okka koma iti ngatuen ti langit;Maipadayagka koma iti intero a daga.+

Footnotes

Kitaem ti Glosario.
Wenno “agputarakto iti musika.”