Salmo 76:1-12

  • Panagballigi ti Dios kadagiti kabusor ti Sion

    • Isalakan ti Dios dagiti naemma (9)

    • Pagpakumbabaenna dagiti natangsit a kabusor (12)

Iti direktor; akompaniaran dagiti dekuerdas a pagtokar. Kanta ni Asaf.+ 76  Agdindinamag ti Dios idiay Juda;+Natan-ok ti naganna idiay Israel.+   Ket idiay Salem ti pagtaenganna,+Ken idiay Sion ti pagnaedanna.+   Sadiay a dinadaelna dagiti pana,Ti kalasag ken ti espada ken dagiti armas a pakigubat.+ (Selah)   O Dios, nakaranraniagka,*Nadadaegka ngem kadagiti bantay nga ayan dagiti maanupan.   Natakawan dagidiay natured,+ Nakaturogda;Awanen ti maaramidan ti amin a mannakigubat.+   Gapu iti panangdusam, O Dios ni Jacob,Nairuten ti turog ti kumakaruahe ken ti kabalio.+   Sika laeng ti maikari a pagbutngan ken raemen.+ Asino ti makaibtur iti nakaro nga ungetmo?+   Manipud langit, impangngegmo ti pangngeddengmo;+Nagbuteng ken nagulimek dagiti agnanaed ditoy daga+   Idi impataw ti Dios ti panangukomna,Tapno isalakanna ti amin a naemma ditoy daga.+ (Selah) 10  Ta agserbi a pakaidaydayawam ti pungtot ti tao;+Usarem a pakaitan-okam uray ti kaudian nga aramiden ti kabusormo. 11  Tungpalenyo dagiti kariyo iti Diosyo a ni Jehova,+Ikkanyo iti sagut ken agbutengkayo kenkuana, dakayo amin nga adda iti aglawlawna.+ 12  Ti pagtangtangsit* dagiti lider ket pagpakumbabaenna;Tignayenna dagiti ari ditoy daga nga agbuteng kenkuana.

Footnotes

Wenno “nabalkutka iti lawag.”
Lit., “espiritu.”