Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

JW Library Sign Language

Ti JW Library Sign Language ket maysa nga opisial nga app dagiti Saksi ni Jehova. I-download, iyurnos, ken i-play-na dagiti video manipud iti jw.org.

Buyaem ti Biblia ken dadduma pay a publikasion a video iti sign language. I-download-mo dagitoy iti mobile device-mo tapno mabuyam latta uray no saanka a nakakonektar iti Internet. Maapresiarmo la ketdi dagiti namaris a ladawan, simple a panagsawar, ken dagiti nalaka nga usaren a control.

 

Nalaka a Panagsawar

Mabalinmo a buyaen iti page a Bible dagiti libro iti New World Translation a nairuaren. Mabuyam met dagiti bersikulo a di pay nairuar kas paset ti New World Translation ngem naipablaak kas paset ti sabali a publikasion. Makitam iti page a Library ti dadduma a publikasion ken movie a magun-odan iti jw.org.

 

Alisto a Panangbirok Kadagiti Naisitar a Teksto

Bayat nga agbuybuyaka iti video ti publikasion, i-tap-mo ti button a Bible. Ag-pause ti video bayat a sawsawarem ken buybuyaem ti naisitar a teksto. Agsublika iti page a Library tapno maituloymo a buyaen ti orihinal a video.

 

Alisto a Panang-download Kadagiti Video

Dagiti video a saanmo pay a na-download ket napusyaw ti marisna. I-tap-mo ti video tapno ma-download dayta iti jw.org. I-tap-mo ti button a Download All tapno ma-download amin a video iti page. Talmegam iti nabayag (tap and hold) ti video tapno maikkatmo dayta iti device-mo.

 

Manage Space

Mabalinmo ti agpili no i-download-mo ti dakdakkel (nangatngato a kalidad) wenno basbassit (nababbaba a kalidad) a video. No adda SD card slot ti device-mo, mabalinmo ti agpili no i-download-mo ti video iti device-mo wenno iti SD card.

 

Nalaka nga Usaren a Video Player

Aramidem dagitoy a simple a garaw a mangkontrol iti video playback:

  • I-tap babaen ti dua a ramay: Ag-play wenno ag-pause ti video.

  • I-swipe nga agpakannigid: Mapan iti sumaruno a marker.

  • I-swipe nga agpakannawan: Mapan iti napalabas a marker.

  • I-swipe nga agpangato: Manayonan ti kinaalisto ti playback. (Daytoy a feature ket saan a mabalin iti Android.)

  • I-swipe nga agpababa: Makissayan ti kinaalisto ti playback. (Daytoy a feature ket saan a mabalin iti Android.)

  • Maminsan a panangi-tap: Maipakita wenno mailemmeng ti control ti player.

 

Padaanan

  •  Agaramid iti bukod a playlist

  •  History dagiti nai-play a video

  •  Suporta kadagiti kanayonan a sign language

  •  Suporta iti Windows 8

 

Suporta

No adda problemam iti JW Library Sign Language, pangngaasim ta punnuam ken ipatulodmo kadakami ti online help form.