Salmo 49:1-20
Iti direktor. Salmo ti annak ni Kore.+ Kanta.
49 Denggenyo daytoy, dakayo amin a tattao.
Umimdengkayo, dakayo amin nga agnanaed iti lubong,*
2 Dakayo a nanumo ken dakayo a natan-ok,*Dakayo a babaknang ken dakayo a napanglaw.
3 Agsaoak maipapan iti kinasirib,Ket utoben ti pusok+ ti maipapan iti pannakaawat.
4 Ipangagkonto ti maysa a pagsasao;*Ilawlawagkonto ti burburtiak bayat a toktokarek ti arpak.
5 Apay koma nga agbutengak iti tiempo ti riribuk,+Inton palawlawandak iti kinadakes* dagidiay mayat a mangdangran kaniak?
6 Dagidiay agtaltalek iti kinabaknangda,+Ken agpaspasindayag iti kinaadu ti sanikuada,+
7 Awan kadakuada ti makasubbot iti kabsatda,Wenno makaited iti Dios iti pangbayadda iti biagda,+
8 (Nakanginngina ti pangsubbot* iti biagda*Saanda a pulos kabaelan a bayadan dayta);
9 Tapno agbiagda koma iti agnanayon ken saanda nga agturong iti abut.*+
10 Makitada a matay met uray dagidiay masirib;Agpadpada a matay dagiti maag ken dagiti saan a manakem,+Ket mapilitanda a mangibati iti kinabaknangda iti sabsabali.+
11 Tartarigagayan ti pusoda nga agnanayon koma dagiti balbalayda,Agtalinaed koma dagiti pagtaenganda agingga iti amin a sumaruno a henerasionda.
Impanaganda iti bagbagida dagiti daga a kukuada.
12 Ngem ti tao, nupay mapadpadayawan, ket saan a manayon;+Matay met a kas kadagiti animal.+
13 Kasta ti pagbanagan dagiti maag+Ken dagidiay mangtulad kadakuada, a maragragsakan kadagiti napangas a panagsasaoda. (Selah)
14 Naitudingda nga agturong iti Tanem,* kas kadagiti karnero a maipan iti pagpartian.
Ipastoranto ida ni patay;Iti agsapa, iturayanto ida dagiti nalinteg.+
Pulos a saanto idan a makita;+Imbes a palasio, ti Tanem*+ ti pagyananda.+
15 Ngem subbotento ti Dios ti biagko* iti ima* ni Tanem,*+Ta isu ti mangigawidto kaniak. (Selah)
16 Dika agdanag no bumaknang ti maysa a tao,No umadu nga umadu dagiti sanikua iti balayna,
17 Ta inton matay, awan ti aniaman a maitugotna;+Saanna a maikuyog dagiti kinabaknangna.+
18 Ta bayat a sibibiag, padpadayawanna ti bagina.*+
(Idaydayawdaka dagiti tattao no umasensoka.)+
19 Ngem matayto met a kas iti henerasion dagidi ammana.
Didanton pulos makita manen ti lawag.
20 Ti tao a saan a makatarus iti daytoy, nupay mapadpadayawan,+Ket matay met a kas kadagiti animal.
