Nnwom 69:1-36
Wɔde ma dwom kyerɛfo; ɔkwan a wɔfa so to no: “Sukooko.” Dawid dwom.
69 O Onyankopɔn, gye me, na nsu reyɛ afa me.*+
2 Matɔ aforɔ* mu, na minnya baabi nnyina.+
Masi nsu a emu dɔ mu,Na asubɔnten a ano yɛ den de me rekɔ.+
3 Mateɛteɛm ara abrɛ;+Me nne afã.
Mahwɛ me Nyankopɔn kwan ara abrɛ.*+
4 Wɔn a wɔtan me kwa no,+Wɔdɔɔso sen me ti so nwi mpo.
Wɔn a wonya me a wobeyi me afi hɔNe wɔn a wokyi me kɔkɔkɔkɔ no* adɔɔso.
Ade a minwiae mpo, wɔayɛ ara agye wɔ me hɔ.
5 O Onyankopɔn, nkwaseasɛm a madi nyinaa wunim,Na me bɔne nso, w’ani tua.
6 O Awurade Tumfo, asafo Yehowa,Wɔn a wɔn ani da wo so no, mma me nti wɔn ani nnwu.
O Israel Nyankopɔn,Wɔn a wɔhwehwɛ wo no, mma me nti wɔn anim nngu ase.
7 Wo nti animguase aba me so,+Na aniwu adura m’anim.+
8 Madan ɔnanani ama me nuanom,Ne ɔhɔho ama me maame mma.+
9 Wo fi ho mmɔdenbɔ amene me,+Na wɔn a wogu w’anim ase no, wɔn animguase aba me so.+
10 Bere a meyɛɛ akɔnkyen* brɛɛ me ho* ase* no,Nkurɔfo buu me animtiaa.
11 Bere a mede awerɛhow ntama* yɛɛ m’ataade no,Nkurɔfo tweetwee me.*
12 Sɛ nkurɔfo tena kurow pon ano a, me ho asɛm ara na wɔka,Akɔwensafo twa me ho nnwom.
13 Nanso Yehowa, ma me mpaebɔ nnu w’asomWɔ bere a ɛsɛ mu.+
O Onyankopɔn, wo dɔ bebrebe a enni huammɔ nti,Fa wo nkwagye nnwuma a enni huammɔ no ma me mmuae.+
14 Yi me fi atɛkyɛ mu;Mma memmmem.
Gye me fi wɔn a wɔtan me nsamNe nsu a emu dɔ mu.+
15 Mma asubɔnten a ebu fa so no mmfa me nnkɔ,+Mma nsu a emu dɔ mmfa me,Na mma menntɔ abura* mu.+
16 O Yehowa, gye me so, na wo dɔ a enni huammɔ no ye.+
Wo mmɔborɔhunu bebrebe nti twa w’ani bɛhwɛ me,+
17 Na mfa w’anim nhintaw w’akoa.+
Madi amia, enti yɛ ntɛm gye me so.+
18 Twiw bɛn me na begye me;*Gye me fi m’atamfo nsam.
19 Wunim animtiaabu, aniwu, ne animguase a merefa mu.+
W’ani tua m’atamfo nyinaa.
20 Animguase ama me koma abubu, na ayɛ kuru a enni sabea.*
Ná m’ani da so sɛ m’asɛm bɛyɛ obi mmɔbɔ, nanso mannya obiara;+Mehwehwɛɛ awerɛkyekyefo, nanso mannya bi.+
21 Wɔbɛma me aduan no, awuduru na wɔde maa me;+Osukɔm dee me no, wɔmaa me nsã a emu kaw sɛ mennom.+
22 Ma wɔn adidipon nyɛ afiri mma wɔn,Na ma wɔn ahonya nso nyɛ afiri.+
23 Ma wɔn ani so nyɛ tumm, na wɔanhu ade,Na ma wɔn sisi nhodwow daa.
24 Hwie w’abufuw gu wɔn so,Na ma w’abufuhyew ntoa wɔn.+
25 Ma wɔn tenabea* nna mpan;Mma obiara nntena wɔn ntamadan mu.+
26 Nea wobɔɔ no no, ɔno na wɔtaa no so,Na wɔn a wupiraa wɔn no yawdi na daa wɔka ho asɛm.
27 Wɔn afodi no, fa bi ka ho soa wɔn;Mma wonnya wo trenee mu kyɛfa.
28 Ma wɔmpopa wɔn din mfi ateasefo nhoma* mu;+Mma wɔnnkyerɛw wɔn din nnka atreneefo ho.+
29 Seesei de, merehu amane na meredi yaw.+
O Onyankopɔn, ma wo nkwagye mmɔ me ho ban.
30 Mede nnwonto beyi Onyankopɔn din ayɛ,Na mede aseda bɛkamfo no.
31 Eyi bɛsɔ Yehowa ani asen nantwi,Nantwinini a ɔwɔ mmɛn na ne nan mu apae.+
32 Ahobrɛasefo behu, na wɔadi ahurusi.
Mo a mohwehwɛ Onyankopɔn, monhyɛ mo ho den.*
33 Yehowa tie ahiafo,+Na ɔremmu ɔno ara ne nkurɔfo a wɔakodi obi man so no animtiaa da.+
34 Momma ɔsoro ne asaase nyi no ayɛ;+Ɛpo ne nea ɛwom nyinaa nyi no ayɛ.
35 Efisɛ Onyankopɔn begye Sion+Na wasan akyekye Yuda nkurow;Ɛhɔ* na wɔbɛtena na ayɛ wɔn dea.
36 Ne nkoa asefo na ɛbɛyɛ wɔn dea,+Na wɔn a wɔdɔ ne din+ na wɔbɛtena hɔ.
Ase Hɔ Nsɛm
^ Anaa “me kra.”
^ Anaa “Mamem atɛkyɛ mu.”
^ Anaa “m’aniwa ayɛ siamoo.”
^ Anaa “wɔn a wɔtan me kwa.”
^ Anaa “midii mmuada.”
^ Anaa “brɛɛ me kra.”
^ Ebetumi nso akyerɛ, “Bere a misui na midii mmuada.”
^ Anaa “atweaatam.” Hwɛ Nkyerɛkyerɛmu afã hɔ.
^ Nt., “de me yɛɛ akasabebu.”
^ Anaa “amoa.”
^ Anaa “me kra.”
^ Anaa “na m’abam abu.”
^ Anaa “tenabea a wɔagye ho ban no.”
^ Anaa “nkwa nhoma.”
^ Anaa “monhyɛ mo koma den.”
^ Kyerɛ sɛ, asaase no so.
