Nnwom 98:1-9

  • Yehowa yɛ Ogyefo ne Ɔtemmufo a ɔteɛ

    • Yehowa ama nnipa ahu ne nkwagye (2, 3)

Ayeyi dwom. 98  Monto dwom foforo mma Yehowa,+Na wayɛ anwonwade.+ Ne nsa nifa, ne basa kronkron no, ayɛ nkwagye adwuma.*+   Yehowa ama nnipa ahu ne nkwagye;+Wayi ne trenee adi akyerɛ amanaman no.+   Wakae ɔdɔ a enni huammɔ ne nokwaredi a ɔkae sɛ obeyi no adi akyerɛ Israel fi no.+ Asaase ano nyinaa ahu yɛn Nyankopɔn nkwagye.*+   Asaase nyinaa, mommɔ ose mma Yehowa. Momma mo ani nnye na munni ahurusi nto ayeyi nnwom.*+   Momfa sankuten nto ayeyi nnwom* mma Yehowa,Momfa sankuten ne nnwom a ɛyɛ dɛ nyi no ayɛ.   Momfa ntorobɛnto ne abɛn+Mmɔ ose wɔ Ɔhene Yehowa anim.   Momma po ne nea ɛwom nyinaa nworo so;Asaase ne wɔn a wɔte so nyinaa nni ahurusi.   Momma nsubɔnten mmobɔ wɔn nsam;Momma mmepɔw nto ahurusi dwom+   Wɔ Yehowa anim, efisɛ ɔrebebu asaase atɛn. Obebu asaase atɛn trenee mu,+Na obebu amanaman atɛn wɔ nokwaredi mu.+

Ase Hɔ Nsɛm

Anaa “ama wadi nkonim.”
Anaa “nkonimdi.”
Anaa “mmɔ nnwom.”
Anaa “mmɔ nnwom.”