Nnwom 53:1-6

  • Onipa a onni adwene

    • “Yehowa biara nni hɔ” (1)

    • “Obiara nni hɔ a ɔyɛ adepa” (3)

Wɔde ma dwom kyerɛfo; wɔto wɔ Mahalat* kwan so. Maskil.* Dawid dwom. 53  Onipa a onni adwene* ka wɔ ne komam sɛ: “Yehowa biara nni hɔ.”+ Wɔn nneyɛe a ɛnteɛ no nye koraa, na wɔyɛ akyiwade.Wɔn mu biara nni hɔ a ɔyɛ adepa.+   Onyankopɔn de, ofi soro hwɛ nnipa mma;+Ɔrehwɛ sɛ obehu obi a ɔwɔ nhumu anaa obi a ɔhwehwɛ Yehowa.+   Wɔn nyinaa afom kwan;Wɔn nyinaa aporɔw. Obiara nni hɔ a ɔyɛ adepa,Ɔbaako mpo nni hɔ.+   Nnebɔneyɛfo no mu biara nni hɔ a ɔwɔ ntease anaa? Wɔmemene me man sɛnea wɔanya paanoo redi. Wɔmmɔ Yehowa mpae.+   Ehu kɛse bɛka wɔn,Ehu a ebi nkaa wɔn da,*Efisɛ wɔn a wɔtow hyɛ wo so no,* Onyankopɔn bɛbɔ wɔn nnompe apete. Wobɛma wɔn ani awu, efisɛ Yehowa apo wɔn.   Sɛ Israel nkwagye befi Sion aba,+ Na sɛ Yehowa bɛsan aboaboa ne nkurɔfo a wɔakodi obi man so no ano aba a,Ɛnde ma Yakob ani nnye na Israel nni ahurusi.

Ase Hɔ Nsɛm

Hwɛ Nkyerɛkyerɛmu afã hɔ.
Hwɛ Nkyerɛkyerɛmu afã hɔ.
Anaa “onni ntease.”
Ebetumi nso akyerɛ, “Wɔbɔ hu nanso biribiara nni hɔ a ɛsɛ sɛ ɛbɔ wɔn hu.”
Nt., “wɔbɔ wo so nsra no.”