Nnwom 18:1-50

  • Onyankopɔn nkwagye ho ayeyi

    • “Yehowa ne me botan” (2)

    • Yehowa di anokwafo nokware (25)

    • Onyankopɔn kwan di mu (30)

    • “W’ahobrɛase ma meyɛ kɛse” (35)

Wɔde ma dwom kyerɛfo. Yehowa akoa Dawid dwom; ɛda a Yehowa gyee no fii Saul ne n’atamfo nyinaa nsam no, saa da no na ɔkaa dwom yi mu nsɛm kyerɛɛ Yehowa. Ɔkae sɛ:+ 18  O Yehowa, wone m’ahoɔden,+ na medɔ wo.   Yehowa ne me botan, m’abannennen, ne me Gyefo.+ Me Nyankopɔn yɛ me botan.+ Ɔno ne me guankɔbea,Me kyɛm ne me nkwagye* abɛn,* me hintabea.*+   Yehowa fata ayeyi paa, na ɔno na misu frɛ no;Obegye me afi m’atamfo nsam.+   Owu nhama bɛkyekyeree me;+Ahuhufo a wɔte sɛ nsuyiri hunahunaa me.+   Ɔdamoa* nhama twaa me ho hyiae;Owu sum afiri wɔ m’anim.+   Misu frɛɛ Yehowa wɔ m’ahohia mu;Misu frɛɛ me Nyankopɔn daa. Ɔtee me nne wɔ n’asɔrefi hɔ,+Na me sufrɛ no duu n’asom.+   Ɛnna asaase hinhimii, na ɛwosowee;+Mmepɔw fapem wosowee,Na n’abufuw nti, ɛwosowee biribiri.+   Wusiw fi ne hwene mu pueiNa ogya a ɛhyew ade fi n’anom bae;+Nnyansramma fi ne mu dɛwee.   Ɔmaa ɔsoro kuntunii, na osianee.+Ná omununkum kusuu wɔ ne nan ase.+ 10  Ɔtenaa kerubim so tu bae.+ Ɔtenaa ɔbɔfo ntaban* so tow hoo baa fam.+ 11  Afei ɔde esum twaa ne ho hyiae;+Ɔde osu a amuna tumm ne omununkum kusuu+Kataa no so te sɛ apata. 12  Hann a efi n’anim nti,Asukɔtweaa ne nnyansramma fi omununkum mu bae. 13  Ɛnna Yehowa fi ɔsoro boboom;+Ɔsorosoroni no maa ne nne so,+Na asukɔtweaa ne nnyansramma nso bae. 14  Ɔtotow n’agyan, na ɛbɔɔ wɔn hwetee;+Ɔmaa n’anyinam pae guu wɔn so, na wɔn ani so tan wɔn.+ 15  Nsu ase daa adi;+O Yehowa, asaase fapem yii ne ho adi,W’animka ne wo hwene mu home* nti.+ 16  Ɔteɛɛ ne nsa fii soro;Osoo me mu yii me fii nsu a emu dɔ mu.+ 17  Ogyee me fii me tamfo hoɔdenfo nsam,+Wɔn a wokyi me na wɔn ho yɛ den sen me no.+ 18  Wɔbɛtoaa me m’amanehunu da,+Nanso Yehowa twitwa gyee me. 19  Ɔde me kɔɔ baabi a bɔne biara renka me;*Ɔpɛ m’asɛm nti, ogyee me.+ 20  Me trenee nti, Yehowa tua me ka;+Me ho a enni asɛm* nti, ɔma me akatua.+ 21  Mafa Yehowa akwan so,Na minnyaw me Nyankopɔn nkɔyɛɛ bɔne. 22  N’atemmusɛm nyinaa wɔ m’anim;N’ahyɛde nso, meremmu no animtiaa. 23  Meremma asɛm mma me ho wɔ n’anim,+Na mɛtwe me ho afi bɔne ho.+ 24  Me trenee ne me ho a enni asɛm nti,+Ma Yehowa mma me akatua.+ 25  Nea ɔyɛ ɔnokwafo no, wo nso wubedi no nokware;+Ɔbarima a ne ho nni asɛm no, wobɛma wahu sɛ wo ho nni asɛm;+ 26  Nea ɔyɛ kronkron no, wo nso wobɛyɛ kronkron ama no,+Na nea ɔyɛ ɔdaadaafo no, wobɛkyerɛ no sɛ w’ani atew kyɛn no.+ 27  Wutwitwa gye mmɔborɔwafo;+Na ahantanfo* de, wobrɛ wɔn ase.+ 28  O Yehowa, wo na woma me kanea hyerɛn;Me Nyankopɔn, wo na woma esum dan hann ma me.+ 29  Woboa me ma metow hyɛ akorɔmfo werɛmfo dɔm so;+Onyankopɔn tumi nti, mitumi foro ɔfasu.+ 30  Nokware Nyankopɔn no kwan di mu;+Yehowa asɛm nso, wɔasɔn so.+ Ɔyɛ ɔkyɛm ma wɔn a wɔde no ayɛ wɔn guankɔbea nyinaa.+ 31  Hena na ɔyɛ Onyankopɔn ka Yehowa ho?+ Na hena na ɔyɛ ɔbotan ka yɛn Nyankopɔn ho?+ 32  Nokware Nyankopɔn no na ɔde ahoɔden kata me ho,+Na ɔbɛma me kwan adi mu.+ 33  Ɔma me nan yɛ sɛ ɔwansan de,Na ɔma migyina sorosoro.+ 34  Ɔkyerɛ me nsa akodi;Me basa tumi kuntun kɔbere agyan mu. 35  Wode wo nkwagye kyɛm ma me,+Wo nsa nifa na ekura me mu,*Na w’ahobrɛase ma meyɛ kɛse.+ 36  Wotrɛw m’anammɔn kwan mu;Me nan* renwatiriw.+ 37  Metiw m’atamfo akɔto wɔn;Merensan kosi sɛ mɛtɔre wɔn ase. 38  Mebubu wɔn na wɔrentumi nsɔre bio;+Wɔbɛhwe ase me nan ase. 39  Wobɛma me ahoɔden a mede bedi ako;Wobɛma m’atamfo ahwe ase me nan ase.+ 40  Wobɛma m’atamfo adan wɔn ho aguan,*Na wɔn a wokyi me no, mɛsɛe wɔn.*+ 41  Wosu hwehwɛ mmoa, nanso ogyefo biara nni hɔ;Wosu frɛ Yehowa mpo, nanso ommua wɔn. 42  Mɛyam wɔn muhumuhu sɛ mfuturu a ɛnam mframa mu;Mɛtow wɔn agu sɛ abɔnten so atɛkyɛ. 43  Ɔman a wɔkasa tia me no, wubegye me afi wɔn nsam.+ Wobɛma madi amanaman so.+ Ɔman a minnim wɔn no, wɔn na wɔbɛsom me.+ 44  Atesɛm kɛkɛ bɛma wɔayɛ aso ama me;Ahɔho bɛbrɛ wɔn ho ase ama me.+ 45  Ahɔho bɛpa abaw;*Wɔde ahopopo befi wɔn hintabea apue. 46  Yehowa te ase! Ayeyi nka me Botan no!+ Me nkwagye Nyankopɔn no, ma yɛnkamfo no.+ 47  Nokware Nyankopɔn no na otua m’atamfo so ka ma me;+Ɔka aman gu me nan ase. 48  Ogye me fi m’atamfo a wɔn bo afuw nsam;Woma me so, na wɔn a wɔtow hyɛ me so no annya me;+Wugye me fi owudifo nsam. 49  O Yehowa, ɛno nti, mɛkamfo wo wɔ amanaman mu,+Na mɛto ayeyi nnwom* ama wo din.+ 50  Nkwagye nnwuma akɛse na ɔyɛ* ma ne hene,+Ɔda ɔdɔ a enni huammɔ adi kyerɛ nea wasra no no,+Dawid ne n’aseni* daa.+

Ase Hɔ Nsɛm

Anaa “me gyefo a ne ho yɛ den.”
Hwɛ Nkyerɛkyerɛmu afã hɔ.
Anaa “m’abantenten.”
Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.
Anaa “mframa ntaban.”
Anaa “mframa a efi wo hwene mu.”
Anaa “baabi a ɛhɔ trɛw.”
Nt., “me nsa a ɛho tew.”
Nt., “ahantan aniwa.”
Anaa “ɛwowaw me.”
Anaa “me nankɔn.”
Anaa “Wobɛma m’atamfo adan wɔn akyi ama me.”
Nt., “mɛma wɔaka wɔn ano atom.”
Anaa “bekisa.”
Anaa “mɛbɔ nnwom.”
Anaa “Nkonim akɛse na odi.”
Nt., “n’aba.”