Nnwom 5:1-12

  • Yehowa yɛ atreneefo guankɔbea

    • Onyankopɔn tan amumɔyɛ (4, 5)

    • “Fa wo trenee kyerɛ me kwan” (8)

Wɔde ma dwom kyerɛfo; Nehilot* so. Dawid dwom. 5  O Yehowa, yɛ aso ma me;+Tie m’apinisi.   Tie me sufrɛ,O me Hene ne me Nyankopɔn, efisɛ wo na mebɔ wo mpae.   O Yehowa, anɔpa wobɛte me nne;+Mede m’ahiasɛm bɛto w’anim+ anɔpa biara na matwɛn wo.   Woyɛ Onyankopɔn a w’ani nnye bɔne ho;+Ɔbɔnefo biara rentumi ne wo ntena.+   Obiara a ɔyɛ ahantan rennyina w’anim; Wotan amumɔyɛfo nyinaa;+   Wobɛsɛe nkontompofo.+ Yehowa kyi wɔn a wɔpɛ awudisɛm ne nnaadaa.*+   Me de, wo dɔ a enni huammɔ+ nti mɛba wo fi;+Obu kɛse a mewɔ ma wo nti, mɛkotow de m’ani akyerɛ w’asɔrefi kronkron* no.+   O Yehowa, m’atamfo nti, fa wo trenee kyerɛ me kwan;Ma wo kwan so nna hɔ mma me.+   Nokware biara nni wɔn anom;Bɔne nkutoo na ɛwɔ wɔn mu.Wɔn menewa yɛ ɔdamoa a ɛso abue;Wɔde wɔn tɛkrɛma dɛfɛdɛfɛ nkurɔfo.*+ 10  Nanso Onyankopɔn bebu wɔn fɔ;Wɔn ankasa pɔw bɔne na ebeyi wɔn ahwe fam.+ Wɔn mmarato bebrebe nti pam wɔn,Efisɛ wɔatew atua atia wo. 11  Wɔn a wɔde wo yɛ guankɔbea no de, wɔn nyinaa bedi ahurusi;+Wɔbɛbɔ ose daa. Wobɛbɔ wɔn ho ban ahyia,Na wɔn a wɔdɔ wo din bedi wo mu ahurusi. 12  O Yehowa, wubehyira obiara a ɔyɛ adetrenee;W’ani begye ne ho na woabɔ ne ho ban sɛ ɔkyɛm+ kɛse.

Ase Hɔ Nsɛm

Hwɛ Nkyerɛkyerɛmu afã hɔ.
Anaa “kyi mogyahwiegufo ne ɔdaadaafo.”
Anaa “tenabea kronkron.”
Anaa “Wɔn ano yɛ dɛ.”