Nnwom 79:1-13

  • Amanaman no tow hyɛɛ Onyankopɔn nkurɔfo so; ɛho mpaebɔ

    • ‘Yɛn anim agu ase wɔ nkurɔfo anim’ (4)

    • ‘Wo din kɛse no nti, boa yɛn’ (9)

    • “Tua wɔn a wɔatwa yɛn ho ahyia no ka mpɛn ason” (12)

Asaf dwom.+ 79  O Onyankopɔn, amanaman no aba w’agyapade so;+Wɔagu w’asɔrefi kronkron no ho fĩ;+Wɔasɛe Yerusalem pasaa.+   Wɔde wo nkoa afunu ama wim nnomaa adi,Na wɔde w’anokwafo nam ama asaase so mmoa.+   Wɔahwie wɔn mogya agu te sɛ nsu de atwa Yerusalem ho ahyia,Na obiara anka a obetumi asie wɔn.+   Wɔn a wɔtete bɛn yɛn no, yɛn anim agu ase wɔ wɔn anim;+Wɔn a wɔatwa yɛn ho ahyia no tweetwee yɛn di yɛn ho fɛw.   O Yehowa, wo bo befuw akosi da bɛn? Wo bo befuw afebɔɔ anaa?+ W’abufuw bɛdɛw sɛ ogya akosi da bɛn?+   Hwie w’abufuw gu aman a wonnim wo no so,Na hwie gu ahenni a wɔmmɔ wo din no so.+   Efisɛ wɔamene Yakob,Na wɔama ne kurow adan amamfo.+   Mmu yɛn agyanom mfomso ngu yɛn so.+ Hu yɛn mmɔbɔ ntɛm,+Efisɛ wɔabrɛ yɛn ase koraa.   O yɛn nkwagye Nyankopɔn, boa yɛn+Esiane wo din kɛse no nti.Wo din nti, gye yɛn na fa yɛn bɔne kyɛ yɛn.*+ 10  Adɛn nti na ɛsɛ sɛ amanaman no ka sɛ: “Wɔn Nyankopɔn no wɔ he?”+ Wɔn a wɔahwie wo nkoa mogya agu no, sɛ wutua wɔn so ka wɔ amanaman no mu a,Ma yɛn aniwa nhu.+ 11  Ma ɔdeduani apinisi nnu w’asom.+ Wɔn a wɔabu wɔn kumfɔ no,* fa wo tumi kɛse no* kora wɔn so.*+ 12  O Yehowa, tua wɔn a wɔatwa yɛn ho ahyia no ka mpɛn ason,+Efisɛ wɔatwa wo adapaa.+ 13  Na yɛn a yɛyɛ wo man ne wo nguan a wohwɛ yɛn so no,+Yɛbɛda wo ase akosi daa;Yebeyi wo ayɛ awo ntoatoaso nyinaa mu.+

Ase Hɔ Nsɛm

Nt., “kata yɛn bɔne so.”
Nt., “Owu mma no.”
Nt., “wo basa.”
Ebetumi nso akyerɛ, “ma wɔn ahofadi.”