Nnwom 97:1-12

  • Yehowa ama ne ho so atra anyame nyinaa

    • “Yehowa abɛyɛ Ɔhene!” (1)

    • Dɔ Yehowa, kyi bɔne (10)

    • Hann ahyerɛn ama ɔtreneeni (11)

97  Yehowa abɛyɛ Ɔhene!+ Momma asaase ani nnye.+ Momma nsupɔw nyinaa nni ahurusi.+   Omununkum ne kusuuyɛ atwa ne ho ahyia;+Trenee ne atɛntrenee yɛ n’ahengua nnyinaso.+   Ogya fi n’anim kɔ,+Na ɛhyew n’atamfo a wɔatwa ne ho ahyia nyinaa.+   N’anyinam hyerɛn wɔ wiase;Asaase hu a, ɛwosow.+   Mmepɔw nan sɛ ɛwokyɛm wɔ Yehowa anim;+Ɛnan wɔ asaase nyinaa Wura no anim.   Ɔsoro pae mu ka ne trenee,Na aman nyinaa hu n’anuonyam.+   Momma wɔn a wɔkotow sɔre ahoni nyinaa ani nwu,+Wɔn a wɔde anyamehunu hoahoa wɔn ho no.+ Anyame nyinaa, monkotow no.*+   Sɛ Sion te a, odi ahurusi;+O Yehowa, w’atemmusɛm nti,Yuda nkurow* ani gye.+   Wo, Yehowa, wone Ɔsorosoroni a odi asaase nyinaa so;Woama wo ho so koraa atra anyame nyinaa.+ 10  O mo a modɔ Yehowa, munkyi bɔne.+ Ɔwɛn n’anokwafo;*+Ogye wɔn fi nnebɔneyɛfo nsam.+ 11  Hann ahyerɛn ama ɔtreneeni,+Na ahurusidi ahyerɛn ama komam teefo. 12  Mo, atreneefo, munni ahurusi wɔ Yehowa mu,Na monkamfo ne din* kronkron no.

Ase Hɔ Nsɛm

Anaa “monsom no.”
Nt., “Yuda mma mmea.”
Anaa “Ɔwɛn n’anokwafo kra.”
Nt., “monkamfo ne nkae.”