Nnwom 38:1-22

  • Ɔbɔnefo a wanu ne ho mpaebɔ

    • “Mayɛ basaa, na mabotow” (6)

    • Yehowa tie wɔn a wɔtwɛn no (15)

    • “Me bɔne yɛɛ me so dadwen” (18)

Dawid dwom a wɔde kaakae nsɛm.* 38  O Yehowa, mfa abufuw nka m’anim,Na mfa abufuhyew nteɛ me so.+   W’agyan awurawura me mu tɔnn,Na wo nsa ayɛ duru wɔ me so.+   W’abufuw nti, me ho baabiara nnwo me.* Me bɔne nti, me nnompe mu nnwo me.+   Efisɛ me mfomso aboro me so,+Na ɛdɛn me sɛ adesoa duruduru.   Me nkwaseasɛm nti,M’akuru bɔn, na aporɔw.   Mayɛ basaa, na mabotow;Mede awerɛhow nantenantew da mu nyinaa.   Me ho hyehye me,*Na me ho baabiara nnwo me.+   Madwudwo, na mabubu koraa;Me koma abotow, enti misi apini denneennen.*   O Yehowa, nea ehia me nyinaa wunim,Na m’ahomegu nso, w’ani tua. 10  Me koma bɔ denneennen na m’ahoɔden asa.M’aniwa nhu hann bio.+ 11  Me yare nti, me nnamfo ne me mfɛfo mpɛ sɛ wɔbɛbɛn me,Na m’amannifo atwe wɔn ho afi me ho. 12  Wɔn a wɔrehwehwɛ me akum me* no sum me afiri,Na wɔn a wɔpɛ sɛ wodi me bɔne no ka sɛnea wɔbɛsɛe me ho asɛm.+Wɔka nnaadaasɛm da mu nyinaa. 13  Nanso mayɛ sɛ obi a n’aso asiw, enti mintie;+Mayɛ sɛ mum, enti mimmue m’ano.+ 14  Mayɛ sɛ onipa a ɔnte asɛm;Minni anoyi biara. 15  O Yehowa, wo na metwɛn wo,+Na wutiee me, O Yehowa, me Nyankopɔn.+ 16  Mekae sɛ: “Mma wonnni me ho ahurusiAnaa wɔmmmoma wɔn ho so nntia me bere a me nan awatiriw no.” 17  Anka mereyɛ ahwe ase,Ná mewɔ yaw mu daa.+ 18  Mekaa me mfomso;+Me bɔne yɛɛ me so dadwen.+ 19  Nanso m’atamfo ani so yɛ hyew* na wɔn ho yɛ den;*Wɔn a wɔtan me kwa no adɔɔso. 20  Wɔde bɔne tuaa papa a meyɛe so ka;Adepa a meyɛe nti, wɔko tiaa me. 21  O Yehowa, nnyaw me. O me Nyankopɔn, mma wo ne me ntam nnware.+ 22  Yɛ ntɛm bɛboa me,O Yehowa, m’agyenkwa.+

Ase Hɔ Nsɛm

Anaa “wɔde yɛ nkae.”
Nt., “me honam baabiara nni hɔ a ɛte apɔw.”
Nt., “ M’asen mu nyinaa hyehye me.”
Anaa “mebobom.”
Anaa “me kra.”
Nt., “m’atamfo te ase.”
Ebetumi nso akyerɛ, “Nanso wɔn a wɔtan me kwa no yɛ bebree.”