Nnwom 56:1-13

  • Obi a wɔretaa no mpaebɔ

    • ‘Onyankopɔn na mede me werɛ ahyɛ ne mu’ (4)

    • “Fa me nisu gu wo nsu kotoku mu” (8)

    • “Dɛn na onipa dasani betumi ayɛ me?” (4, 11)

Wɔde ma dwom kyerɛfo; ɔkwan a wɔfa so to no: “Akyirikyiri Aborɔnoma a Ɔnyɛ Dede.” Dawid dwom. Miktam.* Saa bere no na Filistifo kyeree no wɔ Gat+ no. 56  O Onyankopɔn, hu me mmɔbɔ, na ɔdasani atu n’ani asi me so.* Daa nyinaa wɔne me ko, na wɔhyɛ me so.   Daa m’atamfo pɛ sɛ wɔmene me;Ahantan nti, wɔn mu bebree ko tia me.   Sɛ mebɔ hu a,+ mede me ho to wo so.+   Onyankopɔn a miyi n’asɛm ayɛ no,Ɔno ne Onyankopɔn a mede me werɛ ahyɛ ne mu; minsuro. Dɛn na onipa dasani* betumi ayɛ me?+   Daa nyinaa wɔtan m’ani;Me ho pɔw bɔne nko ara na wɔbɔ.+   Wɔtetɛw sɛnea ɛbɛyɛ a wɔbɛtow ahyɛ me so;Mitu anammɔn biara a, na wɔn ani si me so,+Na wɔrepɛ me akum me.*+   Wɔn amumɔyɛ nti, po wɔn. O Onyankopɔn, fa abufuw brɛ amanaman ase.+   W’ani tua m’akyinkyinakyinkyin nyinaa.+ Fa me nisu gu wo nsu kotoku* mu.+ Wonkyerɛwee wɔ wo nhoma+ mu anaa?   Ɛda a mesu afrɛ wo no, m’atamfo bɛdan wɔn ho aguan;+ Awerɛhyem a mewɔ ne sɛ, Onyankopɔn wɔ m’afã.+ 10  Onyankopɔn a miyi n’asɛm ayɛ no,Yehowa a miyi n’asɛm ayɛ no, 11  Ɔno ne Onyankopɔn a mede me werɛ ahyɛ ne mu; minsuro.+ Dɛn na onipa dasani betumi ayɛ me?+ 12  O Onyankopɔn, mahyɛ wo bɔ, na medi so.+Mede aseda bɛma wo.+ 13  Wo na woagye me* afi owu mu,+Na woamma me nan anhintiw;+Ɛno bɛma masom Onyankopɔn wɔ ateasefo hann mu.+

Ase Hɔ Nsɛm

Hwɛ Nkyerɛkyerɛmu afã hɔ.
Anaa “repɛ me amene me.”
Nt., “ɔhonam.”
Anaa “wɔrepɛ me kra.”
Nt., “toa a wɔde aboa nhoma ayɛ.”
Anaa “woagye me kra.”