Nnwom 83:1-18

  • Mpae a wɔbɔ tia atamfo

    • “O Onyankopɔn, nyɛ komm” (1)

    • Yɛ atamfo sɛ nwura a ehuw kɔ (13)

    • Onyankopɔn din de Yehowa (18)

Dwom. Asaf dwom.+ 83  O Onyankopɔn, nyɛ komm;+O Tweaduampɔn, nka w’ano ntom;* keka wo ho.   Hwɛ! w’atamfo reyɛ gyegyeegye;+Na wɔn a wɔtan wo no amoma wɔn ho so.*   Wɔfa nyansakwan so tu agyina tia wo man;Wɔbɔ wɔn a wɔda wo koma so* no ho pɔw.   Nea wɔka ne sɛ: “Mommra mma yɛmpopa wɔn mfi hɔ, na ɔman no nyera,+Sɛnea ɛbɛyɛ a wɔrenkae Israel din bio.”   Wɔbom tu agyina;*Wɔka bom* ne wo di asi:+   Edomfo, Ismaelfo,* Moabfo,+ ne Hagrifo,+   Gebal ne Ammon+ ne Amalek,Filistia+ ne wɔn a wɔtete Tiro.+   Asiria+ nso akɔka wɔn ho;Wɔayɛ aboafo* ama Lot mma.+ (Sela)   Sɛnea woyɛɛ Midian+ ne Sisera ne Yabin wɔ Kison nsu* ho no,+Yɛ wɔn saa ara. 10  Wosɛee wɔn pasaa wɔ En-Dor;+Wɔbɛyɛɛ sumina* wɔ asaase so. 11  Wɔn atitiriw no, yɛ wɔn sɛ Oreb ne Seeb;+Wɔn abirɛmpɔn* nso, yɛ wɔn sɛ Sebah ne Salmuna,+ 12  Efisɛ wɔkae sɛ: “Momma yennye asaase a Onyankopɔn te so no.” 13  O me Nyankopɔn, yɛ wɔn sɛ nwura a ehuw kɔ;+Yɛ wɔn sɛ sare a mframa rehuw kɔ. 14  Sɛnea ogya hyew kwae,Na ogyaframa ma mmepɔw so hyew no,+ 15  Saa ara na fa wo mframa a ano yɛ den taa wɔn so,+Na fa w’ahum hunahuna wɔn.+ 16  O Yehowa, ma wɔn anim ngu ase,Sɛnea ɛbɛyɛ a wɔbɛhwehwɛ wo din akyi kwan. 17  Ma wɔn ani nwu, na ehu nka wɔn daa;Ma wɔn anim ngu ase na wɔn ase nhyew; 18  Ma nnipa nhu sɛ wo a wo din de Yehowa no,+Wo nko ara ne Ɔsorosoroni a odi asaase nyinaa so.+

Ase Hɔ Nsɛm

Anaa “mmua w’ano.”
Anaa “amoma wɔn ti so.”
Nt., “wode wɔn ahintaw.”
Nt., “Wɔka bom de koma koro tu agyina.”
Anaa “Wɔkɔ apam.”
Nt., “Edomfo ne Ismaelfo a wɔtete ntamadan mu.”
Nt., “basa.”
Anaa “subon.”
Anaa “bɔɔla.”
Anaa “Wɔn akannifo.”