Nnwom 52:1-9

  • M’ani da Onyankopɔn dɔ a enni huammɔ so

    • Nea ɔde bɔne hoahoa ne ho no remfa ne ho nni (1-5)

    • Abɔnefo de wɔn ho to ahonyade so (7)

Wɔde ma dwom kyerɛfo. Maskil.* Edomni Doeg kɔka kyerɛɛ Saul sɛ Dawid wɔ Ahimelek fi; ɛno akyi na Dawid kyerɛw dwom yi.+ 52  Otumfo, adɛn nti na wode wo bɔne hoahoa wo ho?+ Onyankopɔn dɔ a enni huammɔ no wɔ hɔ daa nyinaa.+   Wo tɛkrɛma a ano yɛ nnam sɛ oyiwan no,+Ɛbɔ pɔw bɔne, na ɛyɛ nnaadaa nnwuma.+   Wodɔ bɔne sen papa,Na wodɔ nkontompo sen sɛ wobɛka nsɛm a ɛteɛ. (Sela)   O tɛkrɛma a woyɛ okontomponi;W’ani gye asɛm biara a epira ho.   Ɛno nti Onyankopɔn bɛma woahwe ase;+Ɔbɛtwe wo, na watu wo afi wo ntamadan mu;+Obetu w’ase afi ateasefo asaase so.+ (Sela)   Atreneefo behu na wɔn ho adwiriw wɔn,+Na wɔbɛserew no+ aka sɛ:   “Oyi ne ɔbarima a wamfa Onyankopɔn anyɛ ne guankɔbea* no,+Mmom, ɔde ne ho too n’ahonyade bebrebe no so,+Na ɔde ne ho too pɔw bɔne a n’ankasa bɔe so.”*   Nanso me de, mɛyɛ sɛ ngodua frɔmfrɔm wɔ Onyankopɔn fi;Mede me ho bɛto Onyankopɔn dɔ a enni huammɔ no so+ daa daa.   Esiane nea woayɛ nti, meyi wo ayɛ daa;+Mede m’ani bɛto wo din so+Wɔ w’anokwafo anim efisɛ eye.

Ase Hɔ Nsɛm

Hwɛ Nkyerɛkyerɛmu afã hɔ.
Anaa “n’abannennen.”
Nt., “ɔhaw a ɔno ankasa de ba so.”