Nnwom 39:1-13

  • Nnipa nkwa yɛ tiaa

    • Onipa te sɛ hwenem mframa (5, 11)

    • “Mmu w’ani ngu me nisu so” (12)

Wɔde ma dwom kyerɛfo; Yedutan*+ de. Dawid dwom. 39  Mekae sɛ: “Mɛhwɛ m’anammɔn yiyeNa mamfa me tɛkrɛma anyɛ bɔne.+ Sɛ ɔdebɔneyɛfo bi wɔ baabi a mewɔ a,Mede ade bɛhyɛ m’ano.”+   Metɔɔ mum na mankasa;+Adepa mpo, manka ho asɛm,Nanso me yaw no mu yɛɛ den.   Ɛyɛɛ sɛnea me koma da ogya mu;* Sɛ midwen ho* a, ogya no dɛw kɛse. Ɛnna me tɛkrɛma kae sɛ:   “O Yehowa, ma minhu sɛnea m’awiei bɛyɛ,Na minhu me nna a aka,+Sɛnea ɛbɛyɛ a mehu sɛ me nkwa nna yɛ tiaa.*   Anokwa, woama me nna ayɛ kakraa bi;*+Na me nkwa nna nyɛ hwee wɔ w’ani so.+ Ampa, yehu onipa a ɛte sɛ nea ɛrekɔ yiye ma no mpo a, ɔte sɛ hwenem mframa kɛkɛ.+ (Sela)   Ampa, onipa biara nam sɛ sunsuma. Ɔpere ne ho* kwa. Ɔboaboa ahode ano, nanso onnim nea ɛbɛkɔ akodi ne nsam.+   O Yehowa, afei dɛn ne m’anidaso? M’anidaso ara ne wo.   Gye me fi me mmarato nyinaa mu.+ Mma ɔkwasea mmmu me animtiaa.   Metɔɔ mum;Mantumi ammue m’ano,+Efisɛ wo na woma ɛbaa saa.+ 10  Ɔhaw a wode aba me so no, yi fi me so. Wo nsa a wode abɔ me nti, mayɛ mmerɛw. 11  Onipa mfomso nti, wotwe n’aso de teɛteɛ no;+Sɛnea nwewemmoa sɛe ade no, saa ara na wobɛyɛ n’agyapade. Ampa, onipa biara te sɛ hwenem mframa kɛkɛ.+ (Sela) 12  O Yehowa, tie me mpaebɔ;Yɛ aso ma me sufrɛ.+ Mmu w’ani ngu me nisu so, Na meyɛ ɔhɔho ma wo;+Meyɛ ɔkwantuni a ɔretwam* te sɛ m’agyanom nyinaa.+ 13  W’ani si me so dodo; yi fi me so ma m’ani nnye,Ansa na mawu a wonhu me bio.”

Ase Hɔ Nsɛm

Hwɛ Nkyerɛkyerɛmu afã hɔ.
Nt., “Me koma yɛɛ hyehyeehyew wɔ me mu.”
Anaa “misi apini.”
Anaa “Minhu sɛ mammɛtena ase ankyɛ.”
Nt., “ayɛ sɛ nsayam kakraa bi.”
Nt., “Ɔyɛ dede.”
Anaa “Meyɛ otubrafo.”