Nnwom 26:1-12

  • M’abrabɔ di mu

    • “O Yehowa, hwehwɛ me mu” (2)

    • Mempɛ fekubɔne (4, 5)

    • ‘Metwa Onyankopɔn afɔremuka ho ahyia’ (6)

Dawid dwom. 26  O Yehowa, bu me atɛn, efisɛ m’abrabɔ di mu;+Yehowa na mede me ho ato no so, na mikura m’ahotoso no mu denneennen.+   O Yehowa, hwehwɛ me mu na sɔ me hwɛ;Siesie me tirim adwene* ne me koma.+   Midwen wo dɔ a enni huammɔ no ho bere nyinaa,Na menantew wo nokware kwan so.+   Me ne nkontompofo mmɔ,*+Na metwe me ho fi nyaatwomfo ho.*   Mikyi abɔnefo fekuw,+Na me ne nnebɔneyɛfo mmɔ.*+   Mɛhohoro me nsa de akyerɛ sɛ midi bem.O Yehowa, metwa w’afɔremuka ho ahyia,   Na mama nkurɔfo ate m’aseda,+Na maka w’anwonwadwuma nyinaa ho asɛm.   Yehowa, ofi a wote mu no, me koma da so;+Baabi a w’anuonyam te no.+   Mpra me* nka abɔnefo ho nkɔ,+Na mfa me mfra awudifo* nkum me. 10  Wɔn na wɔde wɔn nsa yɛ aniwudeNa adanmude* ayɛ wɔn nsa nifa ma. 11  Me de, mɛkɔ so ama m’abrabɔ adi mu. Gye me, na dom me. 12  Me nan gyina baabi a ɛhɔ da fam;+Asafo kɛse mu* na meyi Yehowa ayɛ.+

Ase Hɔ Nsɛm

Anaa “sɛnea mete nka wɔ me mu.” Nt., “m’asaabo.”
Anaa “ntena.”
Anaa “memfa me ho mmɔ nyaatwomfo.”
Anaa “ntena.”
Anaa “me kra.”
Anaa “wɔn a wohwie mogya gu.”
Anaa “braeb.”
Nt., “Nhyiam kɛse ase.”