Nnwom 34:1-22

  • Yehowa gye n’asomfo

    • “Momma yɛmma ne din so” (3)

    • Yehowa bɔfo bɔ ne nkurɔfo ho ban (7)

    • “Monka nhwɛ na munhu sɛ Yehowa ye” (8)

    • ‘Ne dompe baako mpo ammu’ (20)

Dawid dwom. Ɔtoo dwom yi bere a ɔyɛɛ ne ho sɛ ɔbɔdamfo+ wɔ Abimelek anim na ɔpam no ma ɔkɔe no. א [Aleph] 34  Meyi Yehowa ayɛ bere nyinaa;N’ayeyi rempa m’anom da. ב [Beth]   Mede Yehowa bɛhoahoa me ho;*+Ahobrɛasefo bɛte na wɔadi ahurusi. ג [Gimel]   Mo ne me mmom nkamfo Yehowa;+Momma yɛmma ne din so. ד [Daleth]   Mede abisade too Yehowa anim, na otiee me.+ Nneɛma a ɛbɔɔ me hu no, ogyee me fii ne nyinaa mu.+ ה [He]   Nnipa a wɔde wɔn ani too no so no ani gyei,Na wɔn anim angu ase. ז [Zayin]   Mmɔborɔwa yi frɛe, na Yehowa tiee no. Ogyee no n’ahohia nyinaa mu.+ ח [Heth]   Yehowa bɔfo bɔ wɔn a wosuro no no ho ban,+Na ogye wɔn.+ ט [Teth]   Monka nhwɛ na munhu sɛ Yehowa ye;+Anigye ne onipa a ɔde no yɛ ne guankɔbea. י [Yod]   Yehowa akronkronfo nyinaa, munsuro no,Efisɛ wɔn a wosuro no no, biribiara nhia wɔn.+ כ [Kaph] 10  Agyata* a wɔn ho yɛ den mpo, ade tumi hia wɔn ma ɔkɔm de wɔn,Nanso wɔn a wɔhwehwɛ Yehowa no de, adepa biara remmɔ wɔn.+ ל [Lamed] 11  Me mma, mommra mmetie me;Mɛkyerɛ mo Yehowa suro.+ מ [Mem] 12  Mo mu hena na ɔpɛ sɛ odi dɛ wɔ asetenam,Na ɔpɛ sɛ n’ani gye mfe pii?+ נ [Nun] 13  Ɛnde hwɛ wo tɛkrɛma yiye na anka asɛmmɔne,+Na hwɛ w’ano yiye na anka nnaadaasɛm.+ ס [Samekh] 14  Twe wo ho fi bɔne ho na yɛ papa;+Hwehwɛ asomdwoe na di akyi.+ ע [Ayin] 15  Yehowa ani wɔ atreneefo so,+Na ɔyɛ aso ma wɔn sufrɛ.+ פ [Pe] 16  Wɔn a wɔyɛ bɔne no de, Yehowa ani sã wɔn,Na ɔbɛpopa wɔn din afi asaase so koraa.+ צ [Tsade] 17  Atreneefo teɛɛm, na Yehowa nso tiee wɔn;+Ogyee wɔn fii wɔn ahohia nyinaa mu.+ ק [Qoph] 18  Yehowa bɛn wɔn a wɔn koma abubu;+Ogye wɔn a wɔn abam abu.*+ ר [Resh] 19  Ɔtreneeni amanehunu* dɔɔso,+Nanso Yehowa gye no fi ne nyinaa mu.+ ש [Shin] 20  Ɔhwɛ ne nnompe nyinaa so;Emu baako mpo mmu.+ ת [Taw] 21  Mmusu na ɛde ɔdebɔneyɛfo bɛkɔ owu mu;Ɔtreneeni atamfo nso, wobebu wɔn fɔ. 22  Yehowa gye n’asomfo nkwa,*Na obiara a ɔde no yɛ ne guankɔbea no, wɔremmu no fɔ.+

Ase Hɔ Nsɛm

Anaa “Yehowa mu na me kra bɛhoahoa ne ho.”
Anaa “Agyatanini.”
Anaa “wɔn honhom abotow.”
Anaa “haw.”
Anaa “n’asomfo kra.”