Nnwom 9:1-20

  • Mɛka Onyankopɔn anwonwadwuma ho asɛm

    • Yehowa yɛ guankɔbea a ɛyɛ den (9)

    • Nea onim Onyankopɔn din no de ne ho to no so (10)

Wɔde ma dwom kyerɛfo; Mut-laben* so. Dawid dwom. א [Aleph] 9  O Yehowa, mede me koma nyinaa beyi wo ayɛ;Mɛka w’anwonwadwuma nyinaa ho asɛm.+   Medi ahurusi na manya wo mu anigye;O Ɔsorosoroni, mɛto ayeyi nnwom* ama wo din.+ ב [Beth]   Sɛ m’atamfo dan wɔn ho guan a,+Wobehintiw na wɔayera wɔ w’anim.   Wudi m’asɛm ma me;Wotena w’ahengua so bu atɛntrenee.+ ג [Gimel]   Woaka amanaman anim,+ na woasɛe nnebɔneyɛfo.Woapopa wɔn din afi hɔ korakora.   Ɔtamfo ahwe ase afebɔɔ;Woaka wɔn nkurow agu,Na wɔn din bɛyera koraa.+ ה [He]   Yehowa de, ɔte n’ahengua so daa;+Ɔde n’agua atim hɔ pintinn, na obebu atɛntrenee.+   Obebu asaase so nnipa atɛn wɔ trenee mu;+Obebu atɛntrenee ama amanaman no.+ ו [Waw]   Yehowa bɛyɛ guankɔbea a ɛyɛ den* ama mmɔborɔwafo;+Ɔbɛyɛ ahohia bere mu guankɔbea.+ 10  Wɔn a wonim wo din no de wɔn ho bɛto wo so,+Na wɔn a wɔhwehwɛ wo no, wo Yehowa, worennyaw wɔn da.+ ז [Zayin] 11  Monto ayeyi nnwom mma Yehowa a ɔte Sion no;Monka ne nnwuma ho asɛm wɔ amanaman mu.+ 12  Ɔbɛkae mmɔborɔwa na wabisa ne mogya afi n’atamfo nsam;+Ne werɛ remfi ne sufrɛ da.+ ח [Heth] 13  O Yehowa, hwɛ sɛnea m’atamfo ma me ho hiahia me; hu me mmɔbɔ,Wo a woma me so fi owu apon ano no.+ 14  Ɛno bɛma matumi aka w’ayeyi nnwuma wɔ Sion babea apon ano,+Na manya anigye wɔ wo nkwagye nnwuma mu.+ ט [Teth] 15  Amanaman no atɔ amoa a wɔatu mu;Asau a wɔde hintawee no aso wɔn ankasa nan.+ 16  Atɛn a Yehowa bu no ma nkurɔfo hu no.+ Ɔdebɔneyɛfo nsa ano adwuma na esum no afiri.+ Higayon.* (Sela) י [Yod] 17  Nnebɔneyɛfo bɛdan wɔn ho de wɔn ani akyerɛ Ɔdamoa;*Ɛhɔ na aman a wɔn werɛ afi Onyankopɔn no nyinaa bɛkɔ. 18  Onyankopɔn werɛ remfi ohiani,+Na nea ahobrɛasefo ani da so nso renyera da.+ כ [Kaph] 19  O Yehowa, sɔre! Mma onipa dasani nnni nkonim. Ma wommu amanaman no atɛn wɔ w’anim.+ 20  O Yehowa, ma wɔmmɔ hu,+Ma amanaman no nhu sɛ wɔyɛ nnipa ara kwa. (Sela)

Ase Hɔ Nsɛm

Hwɛ Nkyerɛkyerɛmu afã hɔ.
Anaa “mɛbɔ nnwom.”
Anaa “abantenten.”
Hwɛ Nkyerɛkyerɛmu afã hɔ.
Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.