Nnwom 41:1-13

  • Ɔyarefo mpaebɔ

    • Onyankopɔn bɛhwɛ ɔyarefo (3)

    • N’adamfo a ɔbɛn no paa ayi no ama (9)

Wɔde ma dwom kyerɛfo. Dawid dwom. 41  Anigye ne nea ohu ɔbrɛfo mmɔbɔ;+Edu ahohia da a Yehowa begye no.   Yehowa bɛhwɛ no so na wama no nkwa. Nkurɔfo bɛfrɛ no anigye wɔ asaase so.+Na woremfa no nhyɛ n’atamfo* nsa.+   Sɛ ɔyare da mpa so a, Yehowa bɛhwɛ no;+Wobɛdannan no wɔ ɔyare mpa so.   Mekae sɛ: “O Yehowa, hu me mmɔbɔ.+ Sa me* yare,+ efisɛ mayɛ wo bɔne.”+   M’atamfo de, bɔne na wɔka fa me ho sɛ: “Da bɛn na obewu na ne din ayera?”   Sɛ wɔn mu baako ba me nkyɛn bɛhwɛ me mpo a, nnaadaa nko ara na ɛwɔ ne koma mu; Ɔbɛpɛ me ho nsɛmmɔne a obetumi de akɔ;Afei ɔnam a, ɔkeka kyerɛ nkurɔfo.   Wɔn a wɔtan me no, obiara keka me ho nsɛm gu ne yɔnko asom;Wɔbɔ me ho pɔw bɔne. Wɔka sɛ:   “Adebɔne bi ayɛ no;Afei a watɔ fam yi, ɔrensɔre bio.”+   Nea me ne no te asomdwoe mu mpo a mede me ho too no so,+Na odi m’aduan* no, wasɔre atia me.*+ 10  O Yehowa, hu me mmɔbɔ na ma me so,Na ama matua wɔn so ka. 11  Ade a ɛbɛma mahu sɛ w’ani sɔ me ne sɛ, Mehu sɛ me tamfo ntumi nni me ho ahurusi.+ 12  Me de, m’abrabɔ a edi mu nti woma me so,+Na wobɛma magyina w’anim daa.+ 13  Ayeyi nka Israel Nyankopɔn YehowaDaa daa.*+ Amen ne Amen.

Ase Hɔ Nsɛm

Anaa “n’atamfo kra.”
Anaa “me kra.”
Nt., “me paanoo.”
Anaa “wama ne nantin so atia me.”
Anaa “Fi mmeresanten kosi mmeresanten.”