Kɔ emu nsɛm afã hɔ

Yehowa Adansefo Asafo Nhyiam

Sɛn na yɛyɛ yɛn asafo nhyiam? Kenkan ho nsɛm wɔ ha na wubehu. Hwehwɛ baabi a ɛbɛn wo a wubetumi akɔ bi nso wɔ ha.

Coronavirus (COVID-19) Ho Asɛm: Mmeae pii wɔ hɔ a, yɛrenhyiam wɔ yɛn Ahenni Asa so anaa nnipadɔm renhyiam. Sɛ wopɛ wei ho nsɛm pii a, yɛsrɛ wo bisa Yehowa Danseni bi. Ɔkasa titiriw a egyina Bible so a n'asɛmti ne “Ɔkannifo Bɛn Na Wubetumi De Wo Ho Ato No So?” no, yɛde ne video bɛto intanɛt so. Ɛno bɛma wɔn a wɔrentumi mma no atwe bi anaa wɔahwɛ no tẽẽ wɔ intanɛt so.

Hwehwɛ Baabi a Ɛbɛn Wo

Dɛn na Ɛkɔ So Wɔ Yɛn Asafo Nhyiam Ase?

Yehowa Adansefo kɔ asafo nhyiam mprenu nnawɔtwe biara kɔsom Nyankopɔn. (Hebrifoɔ 10:24, 25) Saa nhyiam yi, obiara tumi ba bi. Yɛhyiam a, yɛyɛ Bible mu mpɛnsɛmpɛnsɛmu na yɛhwɛ kwan a yɛbɛfa so de Bible mu nsɛm abɔ yɛn bra.

Bible mpɛnsɛmpɛnsɛmu a yɛyɛ no, ebi wɔ hɔ a, atiefo tumi ka bi. Ɛte sɛ sukuudan mu adesua. Yɛde dwom ne mpaebɔ na ɛhyɛ nhyiam no ase. Yɛrebɛwie nso a, yɛto dwom bɔ mpae.

Sɛ wonyɛ Yehowa Danseni mpo a, wobɛtumi aba yɛn nhyiam yi bi. Yɛpɛ sɛ obiara bɛtie bi. Baabi a yɛhyiam no, ɛnhia sɛ wotua sika ansa na woaba hɔ. Yɛnnyegye kɔlɛhyen biara nso.