Yɛrebɛkae Yesu Wu No
Yawda, April 2, 2026
Afe biara, Yehowa Adansefo hyiam kae Yesu wu no. Nea enti a yɛyɛ saa ne sɛ, Yesu ka kyerɛɛ n’asuafo sɛ: “Monkɔ so nyɛ eyi mfa nkae me.”—Luka 22:19.
Yɛreto nsa afrɛ wo ne w’abusua sɛ mommra bi.
Nsɛm a Nkurɔfo Taa Bisa
Hena na obetumi aba bi?
Obiara betumi aba bi. Woreba a, wubetumi de w’adamfo anaa w’abusuafo aka wo ho aba.
Bere tenten sɛn na mode bɛyɛ dwumadi no?
Bɛyɛ dɔnhwerew baako.
Mobɛyɛ no wɔ he?
Bisa Yehowa Danseni biara, na ɔbɛma woahu baabi a yɛbɛyɛ bi wɔ mo mpɔtam hɔ.
Ɛsɛ sɛ mitua sika bi ansa na maba? Na sɛ meba bi a, ɛkyerɛ sɛ mahyɛ bɔ sɛ efi nnɛ rekɔ, me ne mo bɛsom anaa?
Daabi.
Mugye kɔlɛhyen?
Daabi. Yennyigye kɔlɛhyen wɔ yɛn nhyiam ase.—Mateo 10:8.
Ataade pɔtee bi wɔ hɔ a ɛsɛ sɛ obiara hyɛ ba dwumadi no ase anaa?
Daabi. Nanso esiane sɛ saa dwumadi yi yɛ kronkron nti, Yehowa Adansefo bɔ mmɔden sɛ wɔrekɔ ase a, wɔbɛhyɛ ntaade a nidi wom.
Sɛ morekae Yesu wu no a, mobɛyɛ no sɛn?
Sɛ yɛrebefi ase a, yɛbɛto dwom. Yɛto dwom no wie a, na Yehowa Adansefo mpanyimfo no baako abɔ mpae. Afei yebetie ɔkasa a ɛbɛma yɛahu nea enti a na ehia sɛ Yesu wu ma yɛn. Ɛbɛsan ama yɛahu nea yɛyɛ a ɛbɛma yɛanya nea Onyankopɔn ne Kristo ayɛ ama yɛn no so mfaso. Yewie a, yɛbɛsan ato dwom, na Yehowa Adansefo mpanyimfo no baako abɔ mpae de apɔn yɛn.
Sɛ worepɛ ɛho nsɛm pii a, kenkan asɛm a yɛato din, “Sɛnea Yehowa Adansefo Hyɛ Awurade Anwummere Aduan No Ho Fã No Ne Asɔre a Aka No De Nyɛ Pɛ. Adɛn Ntia?”
Mfe kakra a edi yɛn anim yi, bere bɛn na yɛbɛkae Yesu wu no?
2026: Yawda, April 2
2027: Dwoda, March 22
Ebia W'Ani Begye Wei Nso Ho
NKAEDI
Kae Yesu Wu No
Ɛyɛ dwumadi titiriw paa, enti yɛto nsa frɛ wo sɛ wo nso bra bi. Sɛ woba a, wubehu sɛnea Yesu asetena ne ne wu no betumi aboa wo.
BIBLE NKYERƐKYERƐ A ƐHO HIA PAA
Adɛn Nti na Yesu Wui?
Bible ma yehu sɛ Yesu wu no ho hia paa. Mfaso bɛn na ɛwɔ ne wu no so?
YƐN HO NSƐM
Kɔ Yɛn Nhyiam No Bi
Kenkan asɛm a ɛwɔ ha yi, na wubehu yɛn asafo nhyiam ho nsɛm pii. Wopɛ baabi a ɛbɛn wo a, wubetumi ahwehwɛ wɔ ha.