Nnwom 143:1-12

  • Mihia Onyankopɔn sɛnea asaase wosee hia nsu

    • ‘Misusuw wo nsa ano adwuma ho’ (5)

    • “Kyerɛkyerɛ me ma menyɛ nea wopɛ” (10)

    • ‘Ma wo honhom a eye no nkyerɛ me kwan’ (10)

Dawid dwom. 143  O Yehowa, tie me mpaebɔ;+Yɛ aso tie me sufrɛ. Wo nokwaredi ne wo trenee nti, gye me so.   Mfa w’akoa nnyina w’anim nnni m’asɛm,Efisɛ ɔteasefo biara rentumi nni bem w’anim.+   Atamfo taataa me;*Wɔatiatia me nkwa so wɔ fam. Wɔama matena sum mu te sɛ nnipa a wɔawuwu dedaadaw.   Me honhom abotow;*+Na me koma nso akyenkyen wɔ me mu.+   Mekae tete mmere mu;Midwinnwen wo nnwuma nyinaa ho;+Wo nsa ano adwuma nso misusuw ho.*   Metrɛw me nsam kyerɛ wo;Mayɛ* sɛ asaase wosee a ɛrepɛ nsu.+ (Sela)   O Yehowa, yɛ ntɛm gye me so.+M’ahoɔden asa.+ Mfa w’anim nhintaw me,+Anyɛ saa a mɛyɛ sɛ wɔn a wosian kɔ amoa* mu.+   Ma mente wo dɔ a enni huammɔ ho asɛm anɔpa,Efisɛ mede me ho ato wo so. Kyerɛ me ɔkwan a memfa so,+Na wo na m’ani da wo so.*   O Yehowa, gye me fi m’atamfo nsam. Wo nkyɛn na mehwehwɛ ahobammɔ.+ 10  Kyerɛkyerɛ me ma menyɛ nea wopɛ,+Na wone me Nyankopɔn. Wo honhom ye;Ma ɛnkyerɛ me kwan mfa baabi a ɛhɔ da fam.* 11  O Yehowa, wo din nti, kora me nkwa so. Wo trenee nti, gye me* fi ahohia mu.+ 12  Wo dɔ a enni huammɔ nti, ma m’atamfo ase nhyew;+Sɛe wɔn a wɔtan m’ani* nyinaa,+Efisɛ meyɛ w’akoa.+

Ase Hɔ Nsɛm

Anaa “Atamfo taataa me kra.”
Anaa “M’ahoɔden resa.”
Anaa “misua ho ade.”
Anaa “Me kra ayɛ.”
Anaa “ɔdamoa.”
Anaa “mema me kra so kyerɛ wo.”
Anaa “teeyɛ asaase so.”
Anaa “gye me kra.”
Anaa “wɔtan me kra ani.”