Nnwom 40:1-17

  • Aseda a wɔde ma Onyankopɔn a obiara ne no nsɛ no

    • Onyankopɔn nnwuma dɔɔso paa (5)

    • Ɛnyɛ afɔre kɛkɛ na Onyankopɔn ani gye ho (6)

    • “Nea mepɛ ne sɛ mɛyɛ w’apɛde” (8)

Wɔde ma dwom kyerɛfo. Dawid dwom. 40  Mede me werɛ nyinaa hyɛɛ Yehowa mu,*Na otiee me,* na ɔyɛɛ aso maa me sufrɛ.+   Oyii me fii amoa a emu nsu rebu fa soNe atɛkyɛ kyakaa mu. Na ɔde me nan sii ɔbotan so;Ɔmaa me nan timii.   Afei ɔmaa me dwom foforo;+Metoo ayeyi dwom maa yɛn Nyankopɔn. Nnipa pii behu nea Onyankopɔn ayɛ na wɔasuro,Na wɔde wɔn ho bɛto Yehowa so.   Anigye ne ɔbarima a ɔde ne ho to Yehowa soNa onni asobrakyefo ne nkontompofo* akyi.   O Yehowa me Nyankopɔn,Nneɛma a woayɛ ama yɛn dɔɔso;W’anwonwadwuma ne adwene a woadwen wɔ yɛn ho.+ Obiara ne wo nsɛ;+Sɛ mise mereka ho asɛm na makyerɛkyerɛ mu a,Anka merenwie, efisɛ ɛdɔɔso dodo.+   W’ani annye afɔre ne ayɛyɛde ho,*+Nanso wubuee m’aso ma metee wo nsɛm ase.+ Woammisa ɔhyew afɔre ne bɔne ho afɔre.+   Ɛnna mekae sɛ: “Hwɛ, maba. Wɔakyerɛw me ho asɛm wɔ nhoma mmobɔwee no mu.+   O me Nyankopɔn, nea mepɛ* ne sɛ mɛyɛ w’apɛde,+Na wo mmara wɔ me koma mu tɔnn.+   Meka trenee ho asɛmpa wɔ asafo kɛse mu.+ Hwɛ! Merentumi nka m’ano ntom,+O Yehowa, wunim saa. 10  Menkata wo trenee so wɔ me koma mu. Meka wo nokware ne wo nkwagye ho asɛm. Wo dɔ a enni huammɔ ne wo nokwaredi nso, memfa nhintaw wɔ asafo kɛse mu.”+ 11  O Yehowa, mfa wo mmɔborɔhunu nkame me. Ma wo dɔ a enni huammɔ ne wo nokwaredi mmɔ me ho ban daa.+ 12  Mmusu a atwa me ho ahyia no dɔɔso ara ma mintumi nkan.+ Me mfomso bebree bu fa me so ma minhu me kwan mu yiye;+Ɛdɔɔso sen me ti nwi,Na mapa abaw. 13  O Yehowa, mesrɛ wo, begye me.+ Yɛ ntɛm bɛboa me, O Yehowa.+ 14  Ma wɔn a wɔrepɛ me akum me* no nyinaaAni nwu na wɔmfɛre. Ma wɔn a wɔpɛ me sɛe noMfa aniwu nnan wɔn ho nguan. 15  Wɔn a wɔka kyerɛ me sɛ: “Ɔtwea! Ɔtwea!” no, Ma wɔn ho nnwiriw wɔn na wɔn ani nwu. 16  Wɔn a wɔhwehwɛ wo no de,+Ma wɔn ani nnye na wonni wo mu ahurusi.+ Da biara, ma wɔn a wɔn ani gye wo nkwagye nnwuma ho no nka sɛ: “Monkamfo Yehowa.”+ 17  Me de, meyɛ mmɔborɔwa ne ohiani.Ma Yehowa ntwa n’ani mmɛhwɛ me. Wone me boafo ne me Gyefo.+Me Nyankopɔn, ntwentwɛn wo nan ase.+

Ase Hɔ Nsɛm

Anaa “Mede abotare twɛn Yehowa.”
Anaa “ɔbɔɔ ne mu ase tiee me.”
Anaa “atorofo.”
Anaa “Woampɛ afɔre ne ayɛyɛde.”
Anaa “nea m’ani gye ho.”
Anaa “me kra.”