Nnwom 102:1-28

  • Mmɔborɔwa a wayɛ hahaaha mpaebɔ

    • ‘Mayɛ sɛ anomaa a ɔno nko ara si baabi mmɔbɔmmɔbɔ’ (7)

    • ‘Me nna yɛ sunsuma a ɛretwam akɔ’ (11)

    • “Yehowa bɛsan akyekye Sion” (16)

    • Yehowa wɔ hɔ daa (26, 27)

Mmɔborɔni mpaebɔ; oyi ne komam dadwen adi kyerɛ Yehowa bere a wayɛ hahaaha* no.+ 102  O Yehowa, tie me mpaebɔ;+Ma me sufrɛ nnu w’anim.+   Mekɔ ahohia mu a, mfa w’anim nhintaw me.+ Yɛ aso ma me;*Mefrɛ wo a, gye me so ntɛm.+   Efisɛ me nna retwam kɔ te sɛ wusiw,Na me nnompe ahyehyew sɛnea ogya yɛ muka mu no.+   Me koma ayɛ sɛ wura a atwintwam;+Me werɛ fi mpo sɛ medidi.   M’apinisi nti,+Mafɔn ara ma aka me nnompe.+   Mayɛ sɛ nsu so dabodabo a watew ne ho kɔ akyirikyiri.Mete sɛ ɔpatu ketewa a ɔnenam amamfo so.   M’ani gu so saa ara;*Mayɛ sɛ anomaa a ɔno nko ara si ɔdan so mmɔbɔmmɔbɔ.+   M’atamfo twa me adapaa daa nyinaa.+ Wɔn a wodi me ho fɛw* no de me din dome nkurɔfo.   Nsõ na abɛyɛ m’aduan,*+Na nisu afra m’anonne,+ 10  Efisɛ wo bo afuw me, na w’ani abere me so;Womaa me so, na wotow me kyenee. 11  Me nna ayɛ sɛ sunsuma a ɛretwam akɔ,+Na meretwintwam sɛ wura.+ 12  Nanso wo, Yehowa de, wowɔ hɔ daa,+Na wubegye din* wɔ awo ntoatoaso nyinaa mu.+ 13  Wobɛsɔre, na wubehu Sion mmɔbɔ,+Efisɛ bere aso sɛ wodom no;+Bere a woahyɛ no aso.+ 14  Wo nkoa nni kurow no abo ho agoru koraa,+Na emu mfuturu mpo som bo ma wɔn.+ 15  Amanaman no besuro Yehowa din,Na asaase so ahemfo nyinaa besuro w’anuonyam.+ 16  Yehowa bɛsan akyekye Sion;+Obeyi ne ho adi n’anuonyam mu.+ 17  Ɔbɛyɛ aso atie ohianiwa mpaebɔ,+Na ɔremmu ne mpaebɔ animtiaa.+ 18  Wɔakyerɛw eyi ato hɔ ama nkyirimma,+Sɛnea ɛbɛyɛ a nnipa a wɔbɛba daakye* beyi Yah ayɛ. 19  Yehowa wɔ ne kronkronbea a ɛwɔ soro hɔ no, na ɔhwɛ fam;+Ofi sorosoro hɔ hwɛ asaase so; 20  Ɔpɛ sɛ otie nea ɔda afiase apinisi,+Na ogye wɔn a wɔabu wɔn kumfɔ no;+ 21  Ɛno bɛma nkurɔfo abɔ Yehowa din wɔ Sion,+Na wɔayi no ayɛ wɔ Yerusalem; 22  Ɛbɛyɛ bere a aman ne ahenniBoaboa wɔn ho ano som Yehowa no.+ 23  Ɔmaa m’ahoɔden sae prɛko pɛ;Otwaa me nna so. 24  Mekae sɛ: “O me Nyankopɔn,Wo a wowɔ hɔ awo ntoatoaso nyinaa mu,Nkyɛ me nkwa nna mu nyi me mfi hɔ.+ 25  Teteete na wotoo asaase fapem;Ɔsoro yɛ wo nsa ano adwuma.+ 26  Ne nyinaa betwam, nanso wo de, wowɔ hɔ daa;Ne nyinaa bɛyɛ dedaw te sɛ ataade. Wobɛsesa ne nyinaa te sɛ ataade, na ebetwam akɔ. 27  Wo de, wonsesa da, na wo mfe remma awiei da.+ 28  W’asomfo mma bɛtena ase dwoodwoo,Na wɔn asefo betim wɔ w’anim.”+

Ase Hɔ Nsɛm

Anaa “bere a wabotow.”
Anaa “Bɔ wo mu ase na tie me.”
Ebetumi nso akyerɛ, “Matwintwam.”
Anaa “Wɔn a wɔtweetwee me.”
Nt., “me paanoo.”
Nt., “wo nkae bɛtena hɔ.”
Nt., “ɔbɛbɔ wɔn aba wiase daakye.”