Nnwom 148:1-14

  • Abɔde nyinaa nyi Yehowa ayɛ

    • “N’abɔfo nyinaa, munyi no ayɛ” (2)

    • ‘Owia, ɔsram, ne nsoromma, munyi no ayɛ’ (3)

    • Mpanyin ne mmofra nyinaa, munyi Onyankopɔn ayɛ (12, 13)

148  Munyi Yah ayɛ!* Munyi Yehowa ayɛ wɔ soro;+Munyi no ayɛ wɔ sorosoro.   N’abɔfo nyinaa, munyi no ayɛ.+ N’asafodɔm nyinaa, munyi no ayɛ.+   Owia ne ɔsram, munyi no ayɛ. Nsoromma a ɛhyerɛn nyinaa, munyi no ayɛ.+   O ɔsoro mu soro, munyi no ayɛ,Nsu a ɛwɔ omununkum mu, munyi no ayɛ.   Momma ne nyinaa nyi Yehowa din ayɛ,Efisɛ ɔnam n’ahyɛde so na ɛbɔe.+   Ɔde ne nyinaa asisi ne sibea daa daa.+Ɔde ahyɛde atim hɔ a ɛrentwam da.+   Munyi Yehowa ayɛ wɔ asaase so,Mmoa akɛse a mowɔ po ne subun mu nyinaa,   Anyinam ne asukɔtweaa, sukyerɛmma ne omununkum kusuu,Ahum a mudi n’asɛm so,+   Mmepɔw ne nkoko nyinaa,+Nnua a ɛsow aba ne sida nnua nyinaa,+ 10  Wuram mmoa+ ne afieboa nyinaa,Mmoa a wɔwea ne ntakraboa, 11  Asaase so ahemfo ne aman nyinaa,Adehye ne asaase so atemmufo nyinaa,+ 12  Mmerante ne mmabaa,*Nkwakoraa* ne mmabun nyinaa, 13  Momma wonyi Yehowa din ayɛ,Na ne din nkutoo na ɛkorɔn kyɛn edin biara.+ Ne kɛseyɛ tra asaase ne ɔsoro.+ 14  Ɔbɛma ne man ahoɔden* ayɛ kɛse,Sɛnea ɛbɛyɛ a n’anokwafo nyinaa benya anuonyam;Sɛnea Israel mma a wɔbɛn no no benya anuonyam. Munyi Yah ayɛ!*

Ase Hɔ Nsɛm

Anaa “Haleluya!” “Yah” yɛ edin Yehowa a wɔatwa no tiaa.
Nt., “mmaabun.”
Anaa “Nkwakoraa ne mmerewa.”
Anaa “abɛn.”
Anaa “Haleluya!” “Yah” yɛ edin Yehowa a wɔatwa no tiaa.