Nnwom 33:1-22

  • Munyi Ɔbɔadeɛ no ayɛ

    • “Monto dwom foforo mma no” (3)

    • Yehowa de n’anom asɛm ne ne honhom na ɛbɔɔ ade (6)

    • Anigye ne Yehowa man (12)

    • Yehowa hwɛ ne nkurɔfo so (18)

33  Atreneefo, Yehowa nti munni ahurusi.+ Ɛfata sɛ teefo yi no ayɛ.   Momfa sankuten nna Yehowa ase;Momfa sanku a ɛso nhama yɛ du nto ayeyi nnwom* mma no.   Monto dwom foforo mma no;+Monyere mo ho mmɔ sanku ma ɛnyɛ dɛ na mommɔ ose nka ho,   Efisɛ Yehowa asɛm di mu,+Na sɛnea ɔyɛ ne nnwuma nyinaa kyerɛ sɛ ɔyɛ ɔnokwafo.   Ɔdɔ trenee ne atɛntrenee.+ Yehowa dɔ a enni huammɔ ahyɛ asaase so ma.+   Yehowa de n’anom asɛm na ɛyɛɛ ɔsoro,+Na honhom* a efi n’anom na ɔde yɛɛ emu biribiara.*   Ɔno na ɔboaboa ɛpo mu nsu ano te sɛ nea wagye ho ban,+Na ɔma nsu a ɛrebu fa so kogu akorae.   Momma asaase nyinaa nsuro Yehowa.+ Momma nnipa a wɔwɔ wiase ho mpopo n’anim.   Ɔno na ɔkae, na ɛbaa mu;+Ɔno na ɔhyɛe, na ɛyɛɛ hɔ.+ 10  Amanaman no tu agyina a, Yehowa bɔ gu;+Sɛ aman no fa adwene a, ɔma ɛyɛ kwa.+ 11  Yehowa apɛde* de, ebegyina daa;+Ne komam nsusuwii wɔ hɔ fi awo ntoatoaso so kosi awo ntoatoaso so. 12  Anigye ne ɔman a wɔn Nyankopɔn ne Yehowa;+Nnipa a wapaw wɔn sɛ n’agyapade.+ 13  Yehowa fi soro hwɛ fam,Na ohu nnipa mma nyinaa.+ 14  Ɔte ne tenabea hɔ,Na ɔhwɛ wɔn a wɔtete asaase so. 15  Ɔno na ɔnwene obiara koma;Ɔpɛɛpɛɛ wɔn nnwuma nyinaa mu.+ 16  Ɔhene biara nni hɔ a asraafo dodow betumi agye no nkwa;+Ɔkatakyi nso, ɛnyɛ n’ahoɔden dodow na ebegye no.+ 17  Mfa wo ho nto ɔpɔnkɔ so, efisɛ ɔrentumi nnye wo nkwa.*+Ahoɔden dodow a ɔpɔnkɔ wɔ no ntumi nnye onipa nkwa. 18  Hwɛ! Yehowa hwɛ wɔn a wosuro no no so;+Wɔn a wɔtwɛn ne dɔ a enni huammɔ no, ɔhwɛ wɔn so, 19  Ɔpɛ sɛ ogye wɔn* fi owu mu,Na ogye wɔn nkwa wɔ ɔkɔm bere mu.+ 20  Yɛn ani* da Yehowa so. Ɔno ne yɛn boafo ne yɛn kyɛm.+ 21  Ne mu na yɛn koma di ahurusi,Efisɛ yegye ne din kronkron no di.+ 22  O Yehowa, ma wo dɔ a enni huammɔ ntena yɛn so,+Na wo na yɛn ani da wo so.+

Ase Hɔ Nsɛm

Anaa “mmɔ nnwom.”
Anaa “ahome.”
Nt., “emu asafo nyinaa.”
Anaa “agyina.”
Anaa “ɔremma wunni nkonim.”
Anaa “ogye wɔn kra.”
Anaa “Yɛn kra ani.”