Nnwom 136:1-26

  • Yehowa dɔ nni huammɔ; ɛwɔ hɔ daa

    • Ɔtɔɔ ne bo ase bɔɔ ɔsoro ne asaase (5, 6)

    • Farao wui wɔ Ɛpo Kɔkɔɔ no mu (15)

    • Onyankopɔn kae wɔn a wɔabotow (23)

    • Ɔma abɔde biara a ɛte ase aduan (25)

136  Monna Yehowa ase, efisɛ oye;+Ne dɔ nni huammɔ; ɛwɔ hɔ daa.+   Monna anyame mu Nyankopɔn no ase,+Na ne dɔ nni huammɔ; ɛwɔ hɔ daa.   Monna awuranom mu Awurade no ase,Na ne dɔ nni huammɔ; ɛwɔ hɔ daa.   Ɔno nkutoo na ɔyɛ nnwuma akɛse a ɛyɛ nwonwa,+Na ne dɔ nni huammɔ; ɛwɔ hɔ daa.+   Ɔtɔɔ ne bo ase bɔɔ* ɔsoro,+Na ne dɔ nni huammɔ; ɛwɔ hɔ daa.   Ɔtrɛw asaase mu wɔ nsu so,+Na ne dɔ nni huammɔ; ɛwɔ hɔ daa.   Ɔyɛɛ nkanea akɛse,+Na ne dɔ nni huammɔ; ɛwɔ hɔ daa,   Ɔyɛɛ owia sɛ ɛnhyerɛn adekyee,+Na ne dɔ nni huammɔ; ɛwɔ hɔ daa,   Ɔyɛɛ ɔsram ne nsoromma sɛ ɛnhyerɛn anadwo,+Na ne dɔ nni huammɔ; ɛwɔ hɔ daa. 10  Ɔbobɔɔ Egypt mmakan kunkum wɔn,+Na ne dɔ nni huammɔ; ɛwɔ hɔ daa. 11  Oyii Israel fii wɔn mu,+Na ne dɔ nni huammɔ; ɛwɔ hɔ daa. 12  Ɔde nsa a ɛyɛ den+ ne basa a wateɛ mu na eyii wɔn,Na ne dɔ nni huammɔ; ɛwɔ hɔ daa. 13  Ɔpaee Ɛpo Kɔkɔɔ no mu abien,*+Na ne dɔ nni huammɔ; ɛwɔ hɔ daa. 14  Ɔmaa Israel faa mfinimfini,+Na ne dɔ nni huammɔ; ɛwɔ hɔ daa. 15  Ɔkaa Farao ne n’asraafodɔm guu Ɛpo Kɔkɔɔ no mu,+Na ne dɔ nni huammɔ; ɛwɔ hɔ daa. 16  Odii ne nkurɔfo anim faa sare so,+Na ne dɔ nni huammɔ; ɛwɔ hɔ daa. 17  Okunkum ahemfo akɛse,+Na ne dɔ nni huammɔ; ɛwɔ hɔ daa. 18  Okunkum ahemfo a wɔyɛ den,Na ne dɔ nni huammɔ; ɛwɔ hɔ daa, 19  Okum Amorifo hene Sihon,+Na ne dɔ nni huammɔ; ɛwɔ hɔ daa, 20  Ɛne Basan hene Og,+Na ne dɔ nni huammɔ; ɛwɔ hɔ daa. 21  Ɔde wɔn asaase maa ne nkurɔfo sɛ agyapade,+Na ne dɔ nni huammɔ; ɛwɔ hɔ daa. 22  Ɔde maa n’akoa Israel sɛ agyapade,Na ne dɔ nni huammɔ; ɛwɔ hɔ daa. 23  Ɔkaee yɛn bere a yɛbotowee no,+Na ne dɔ nni huammɔ; ɛwɔ hɔ daa.+ 24  Ogyee yɛn fii yɛn atamfo nsam mpɛn pii,+Na ne dɔ nni huammɔ; ɛwɔ hɔ daa. 25  Ɔma abɔde biara a ɛte ase* aduan,+Na ne dɔ nni huammɔ; ɛwɔ hɔ daa. 26  Monna ɔsoro Nyankopɔn no ase,Na ne dɔ nni huammɔ; ɛwɔ hɔ daa.

Ase Hɔ Nsɛm

Anaa “Ɔde nyansa yɛɛ.”
Nt., “nketenkete.”
Nt., “Ɔma ɔhonam nyinaa.”