Nnwom 66:1-20

  • Onyankopɔn nnwuma yɛ nwonwa

    • “Mommra mmɛhwɛ Onyankopɔn nnwuma” (5)

    • “Ɛbɔ a mahyɛ wo no, medi so” (13)

    • Onyankopɔn tie mpaebɔ (18-20)

Wɔde ma dwom kyerɛfo. Ayeyi dwom. 66  Asaase nyinaa, mommɔ ose mma Onyankopɔn.+   Monto ayeyi nnwom* mma ne din kɛse no. Munyi no ayɛ na monhyɛ no anuonyam.+   Monka nkyerɛ Onyankopɔn sɛ: “Wo nnwuma yɛ nwonwa!+ W’ahoɔden dodow ntiW’atamfo ho bɛpopo w’anim.+   Asaase nyinaa bɛbɔ wɔn mu ase ama wo,+Wɔbɛto ayeyi dwom ama wo;Wɔbɛto ayeyi dwom ama wo din.”+ (Sela)   Mommra mmɛhwɛ Onyankopɔn nnwuma. Nea wayɛ akyerɛ nnipa mma no yɛ nwonwa.+   Ɔmaa po dan asaase kesee;+Wɔnantew twaa asubɔnten no.+ Ɛhɔ na yedii ne mu ahurusi.+   Ne tumi nti ɔbɛkɔ so adi hene daa.+ N’ani di amanaman no akyi.+ Mma wɔn a wɔasen wɔn kɔn no nnhoahoa wɔn ho.+ (Sela)   Amanaman, munyi yɛn Nyankopɔn ayɛ;+Momma wɔnte n’ayeyi.   Ɔkora yɛn nkwa so;*+Ɔmma yɛn nan nhintiw.*+ 10  O Onyankopɔn, woapɛɛpɛɛ yɛn mu;+Woayiyi yɛn mu sɛnea wɔnan dwetɛ yiyi mu fĩ no. 11  Wode atena ayi yɛn;Wode adesoa a ɛboro yɛn so asoa yɛn.* 12  Woama ɔdasani atwiw afa yɛn so;*Yɛfaa ogya ne nsu mu;Afei wode yɛn baa baabi a yɛn ho bedwo yɛn. 13  Mede ɔhyew afɔre bɛba wo fi;+Ɛbɔ a mahyɛ wo no, medi so;+ 14  Nea mibuee m’ano hyɛɛ ho bɔ,+Na mede me tɛkrɛma kae wɔ ahokyere mu no, medi so. 15  Mede mmoa a wɔadɔ srade bɛbɔ ɔhyew afɔre ama wo;Anantwinini ne mpapo na mede bɛbɔ afɔre ama wo. (Sela) 16  Mo a musuro Onyankopɔn nyinaa, mommra mmetie,Na mɛka nea wayɛ ama me* akyerɛ mo.+ 17  Mibuee m’ano frɛɛ no,Na mede me tɛkrɛma hyɛɛ no anuonyam. 18  Sɛ mede adwemmɔne bi hyɛɛ me mu a,Anka Yehowa rentie me.+ 19  Nanso Onyankopɔn tiee me;+Ɔyɛɛ aso maa me mpaebɔ.+ 20  Ayeyi nka Onyankopɔn a wammu n’ani angu me mpaebɔ so,Na ne dɔ a enni huammɔ nso, wanyi amfi me so.

Ase Hɔ Nsɛm

Anaa “Mommɔ nnwom.”
Anaa “Ɔde yɛn kra si nkwa mu.”
Anaa “nwatiriw; nhinhim.”
Nt., “abɔ yɛn asen.”
Nt., “yɛn ti so.”
Anaa “me kra.”