Nnwom 121:1-8

  • Yehowa wɛn ne nkurɔfo

    • “Menya mmoa afi Yehowa hɔ” (2)

    • Yehowa nna da (3, 4)

Dwom a Wɔde Foro Bepɔw No. 121  Mema m’ani so kyerɛ mmepɔw.+ Ɛhe na menya mmoa afi?   Menya mmoa afi Yehowa hɔ,+Nea ɔbɔɔ ɔsoro ne asaase no.   Ɔremma wo nan nwatiriw* da.+ Nea ɔwɛn wo no, ɔrentɔ nko da.   Hwɛ! Nea ɔwɛn Israel no,Ɔrentɔ nko na ɔrenna da.+   Yehowa rewɛn wo. Yehowa ne wo nwini,+ na ɔwɔ wo nsa nifa so.+   Edu awiabere a, owia renhye wo,+Na edu anadwo nso a, ɔsram renyɛ wo bɔne.+   Yehowa bɛbɔ wo ho ban afi ɔhaw nyinaa mu.+ Ɔbɛbɔ wo nkwa* ho ban.+   Biribiara a wobɛyɛ no, Yehowa bɛbɔ wo ho ban*Fi nnɛ kosi daa.

Ase Hɔ Nsɛm

Anaa “wo nan nhinhim.”
Anaa “wo kra.”
Nt., “Yehowa bɛwɛn wo nkɔree ne wo mmae.”