Nnwom 141:1-10

  • Mpae a wɔde hwehwɛ ahobammɔ

    • “Ma me mpaebɔ nyɛ sɛ aduhuam” (2)

    • Ɔtreneeni kasa kyerɛ me a, ɛbɛyɛ te sɛ ngo (5)

    • Nnebɔneyɛfo bɛtɔ wɔn ankasa atena mu (10)

Dawid dwom. 141  O Yehowa, misu frɛ wo.+ Yɛ ntɛm bɛboa me.+ Mefrɛ wo a, gye me so.+   Ma me mpaebɔ nyɛ sɛ aduhuam+ a wɔafra no yiye de aba w’anim;+Sɛ mema me nsa so a, ma ɛnyɛ sɛ aduan afɔre a wɔbɔ no anwummere.+   O Yehowa, boa me na menwɛn m’ano;Boa me ma menhwɛ m’ano yiye.+   Mma me koma nnkɔ adebɔne biara so,+Na me ne amumɔyɛfo ankɔyɛ bɔne;Mempɛ sɛ me ne wɔn di wɔn akɔnnɔduan nso da.   Sɛ ɔtreneeni bɔ me a, ɛbɛkyerɛ sɛ wada ɔdɔ a enni huammɔ adi akyerɛ me;+Sɛ ɔkasa kyerɛ me a, ɛbɛyɛ te sɛ ngo wɔ me ti so,+Na merempo.+ Wɔkɔ ɔhaw mu mpo a, mɛkɔ so abɔ mpae ama wɔn.   Nkurɔfo no atemmufo no, wɔatow wɔn afi bepɔw so agu fam,Nanso nkurɔfo no de, wobetie me nsɛm, efisɛ ɛyɛ dɛ.   Sɛnea wofuntum asaase a, wotu dɔte no gu hɔ no,Saa ara na wɔapete yɛn nnompe agu Ɔdamoa* ano.   Nanso, O Awurade Tumfo Yehowa, wo na m’ani da wo so.+ Wo na mede wo ayɛ me guankɔbea. Nnye me nkwa* mfi me nsam.   Gye me fi afiri a wɔasum me no mu,Na gye me fi amumɔyɛfo mfiri mu. 10  Nnebɔneyɛfo nyinaa bɛtɔ wɔn ankasa atena mu,+Nanso me de, metwam a bɔne biara renka me.

Ase Hɔ Nsɛm

Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.
Anaa “Nnye me kra.”