Nnwom 81:1-16

  • Osetie ho afotu

    • Monnsom aman foforo anyame (9)

    • ‘Sɛ mubetie me a anka eye’ (13)

Wɔde ma dwom kyerɛfo; Gitit* so. Asaf dwom.+ 81  Monto ahurusi dwom mma Onyankopɔn; ɔno ne yɛn ahoɔden.+ Mommɔ ose mma Yakob Nyankopɔn.   Momma dwom so na momfa mpintin nkura;Mommɔ sanku ne sankuten dɛdɛ.   Ɔsram foforo du a, mommɔ abɛn,+Sɛ ɔsram yɛ kurukuruwa na edu yɛn afahyɛ da a, mommɔ abɛn.+   Efisɛ ɛyɛ ahyɛde ma Israel;Ɛyɛ Yakob Nyankopɔn mmara.+   Bere a otwaam faa Egypt asaase so no,+Ɔde yɛɛ nkaesɛm maa Yosef.+ Metee nne* bi nso na minnim nea ɔrekasa. Ɔkae sɛ:   “Miyii nnesoa fii ne mmati so;+Misoo ne mu gyee ne kɛntɛn sii hɔ.   W’ahohia mu na wofrɛɛ me, na mitwitwa gyee wo;+Omununkum ne aprannaa* mu na mifi kasa kyerɛɛ wo.+ Mesɔɔ wo hwɛe wɔ Meriba* nsu no ho.+ (Sela)   Me man, tie, na merebedi adanse atia wo. O Israel, sɛ wubetie me a,+   Anka onyame foforo biara remma w’akwan mu,Na anka worenkotow ɔman foforo nyame.+ 10  Me, Yehowa, mene wo Nyankopɔn;Me na miyii wo fii Egypt asaase so.+ Bae w’anom, na memfa nneɛma pa nhyɛ no ma.+ 11  Nanso me man antie me nne;Israel ammrɛ ne ho ase amma me.+ 12  Enti migyaa wɔn ma wodii wɔn komaden no akyi;Nea ɛteɛ wɔ wɔn ani so na wɔyɛe.*+ 13  Sɛ me man betie me a anka eye,+Sɛ Israel bɛnantew m’akwan so a anka eye.+ 14  Anka medi wɔn atamfo so ntɛm;Anka mɛtow ahyɛ wɔn a wɔmpɛ wɔn asɛm no so.+ 15  Wɔn a wokyi Yehowa no ho bɛpopo wɔ n’anim,Na ebewie wɔn bɔne afebɔɔ.* 16  Nanso mo de, ɔbɛma mo* hwiit papa* adi,+Na ɛwo a efi ɔbotan mu na ɔde bɛma mo adi amee.”+

Ase Hɔ Nsɛm

Hwɛ Nkyerɛkyerɛmu afã hɔ.
Anaa “kasa.”
Nt., “Aprannaa ahintawee.”
Ɛkyerɛ, “Akasakasa.”
Nt., “Wɔnantew wɔn ankasa agyinatu mu.”
Nt., “wɔn bere rentwam da.”
Nt., “ɔbɛma no,” kyerɛ sɛ, Onyankopɔn nkurɔfo.
Nt., “hwiit mu srade.”