Nnwom 25:1-22

  • Mpae a wɔde hwehwɛ akwankyerɛ ne bɔnefakyɛ

    • “Kyerɛ me w’atempɔn” (4)

    • ‘Wɔn a wɔyɛ Yehowa nnamfo paa’ (14)

    • “Fa me bɔne nyinaa kyɛ me” (18)

Dawid dwom. א [Aleph] 25  O Yehowa, wo na mede me werɛ ahyɛ wo mu.* ב [Beth]   Me Nyankopɔn, mede me ho ato wo so;+Mma m’anim nngu ase.+ Mma m’atamfo nnni me ho ahurusi.+ ג [Gimel]   Ampa, wɔn a wɔn ani da wo so no, wɔn mu biara ani renwu.+Nanso nnipa* a wotwa wɔn yɔnko nkontompo kwa no, wɔn anim begu ase.+ ד [Daleth]   O Yehowa, ma minhu w’akwan;+Kyerɛ me w’atempɔn.+ ה [He]   Ma mennantew wo nokware mu na kyerɛkyerɛ me,+Efisɛ wone me nkwagye Nyankopɔn. ו [Waw] Wo na m’ani da wo so daa nyinaa. ז [Zayin]   O Yehowa, kae wo mmɔborɔhunu ne wo dɔ a enni huammɔ;+Efi tete na woada no adi.+ ח [Heth]   Nkae bɔne a meyɛe wɔ me mmofraase ne me mmarato. O Yehowa, wo papayɛ nti,+Kae me sɛnea wo dɔ a enni huammɔ no te.+ ט [Teth]   Yehowa ye, na ɔteɛ.+ Ɛno nti na ɔkyerɛkyerɛ abɔnefo ɔkwan a wɔmfa so no.+ י [Yod]   Ɔbɛma ahobrɛasefo ahu trenee kwan,*+Na wakyerɛkyerɛ ahobrɛasefo ne kwan.+ כ [Kaph] 10  Ɔdɔ a enni huammɔ ne nokwaredi na ɛwɔ Yehowa atempɔn soMa wɔn a wodi n’apam+ ne ne nkaesɛm so.+ ל [Lamed] 11  O Yehowa, me mfomso so,Nanso wo din nti,+ fa kyɛ me. מ [Mem] 12  Hena na osuro Yehowa Nyankopɔn?+ Onyankopɔn bɛkyerɛ no ɔkwan a ɔmfa so.+ נ [Nun] 13  Ne* nsa bɛka nneɛma pa,+Na n’asefo* benya asaase no so atena.+ ס [Samekh] 14  Wɔn a wosuro Yehowa na wɔyɛ ne nnamfo paa,+Na ɔma wohu n’apam.+ ע [Ayin] 15  M’ani da Yehowa so daa;+Ɔno na obeyi me nan afi asau mu.+ פ [Pe] 16  Twa w’ani bɛhwɛ me na dom me,Efisɛ mayɛ ankonam, na mayɛ mmɔbɔ. צ [Tsade] 17  Me koma mu ahohia adɔɔso;+Gye me fi m’adwinnwen mu. ר [Resh] 18  Hwɛ m’amanehunu ne me haw,+Na fa me bɔne nyinaa kyɛ me.+ 19  Hwɛ sɛnea m’atamfo adɔɔso;Wokyi me kɔkɔkɔkɔ, enti wɔrepɛ me adi me bɔne. ש [Shin] 20  Hwɛ me nkwa* so na gye me.+ Mma m’anim nngu ase, efisɛ mede wo ayɛ me guankɔbea. ת [Taw] 21  Ma abrabɔ a edi mu ne trenee mmɔ me ho ban,+Efisɛ m’anidaso ne wo.+ 22  Onyankopɔn, gye Israel fi wɔn ahohia nyinaa mu.

Ase Hɔ Nsɛm

Anaa “mema me kra so kyerɛ wo.”
Anaa “afatwafo.”
Nt., “ahu atemmu.”
Anaa “Ne kra.”
Nt., “n’aba.”
Anaa “me kra.”