Nnwom 17:1-15

  • Mpae a wɔde hwehwɛ ahobammɔ

    • “Wopɛɛpɛɛ me komam” (3)

    • “Wo ntaban ase” (8)

Dawid mpaebɔ. 17  O Yehowa, tie m’adesrɛ na bu atɛntrenee ma me;Wɛn w’aso tie me sufrɛ;Yɛ aso ma me mpaebɔ a efi me koma mu.+   Bu atɛntrenee ma me;+Ma w’aniwa nhwɛ nea ɛteɛ.   Wopɛɛpɛɛ me komam, na wohwehwɛ me mu anadwo;+Wuyiyi me mu;+Bere biara a wobɛyɛ saa no, wubehu sɛ memmɔɔ pɔw bɔne biara,Na memfaa m’ano nkaa asɛmmɔne.   Yɛka nnipa nneyɛe ho asɛm a,W’anom asɛm nti matwe me ho afi akorɔmfo kwan ho.+   Mma m’anammɔn mmfi w’akwan soSɛnea ɛbɛyɛ a me nan renwatiriw.+   O Onyankopɔn, misu frɛ wo, efisɛ wubegye me so.+ Yɛ aso ma* me. Tie m’asɛm.+   O Ogyefo, wo na wugye wɔn a wɔde wo nsa nifa yɛ guankɔbeaFi wɔn a wɔtew atua tia wo no nsam.Yɛ anwonwadwuma fa kyerɛ sɛ wo dɔ nni huammɔ.+   Bɔ me ho ban sɛ w’aniwa kosua,+Na fa me hintaw wo ntaban* ase.+   Nnebɔneyɛfo a wɔtow hyɛ me so no, bɔ me ho ban fi wɔn ho.M’atamfo a wɔpɛ me wu* nso, gye me fi wɔn nsam.+ 10  Wɔn koma apirim;*Wɔkasa ahantan so; 11  Wɔaka yɛn ahyem;+Nea wɔpɛ ara ne sɛ wobenya yɛn ayi yɛn ahwe fam.* 12  Wɔn mu biara te sɛ gyata a ɔrepɛ nam atetew,Gyata a ɔtetɛw baabi. 13  O Yehowa, sɔre kɔ n’anim+ kodi no so nkonim;Fa wo sekan gye me* fi ɔdebɔneyɛfo nsam, 14  O Yehowa, fa wo nsa gye me;Wiase* mu nnipa a asetena yi mu na wɔn kyɛfa wɔ no,+ gye me fi wɔn nsam.Wɔn na wonya nneɛma pa a efi wo nkyɛn ma ɛso wɔn,+Na wɔde agyapade gyaw wɔn mma a wɔdɔɔso. 15  Me de, trenee mu na mɛhwɛ w’anim;Sɛ minyan na mihu wo a, me koma tɔ me yam.+

Ase Hɔ Nsɛm

Anaa “Bɔ wo mu ase na tie.”
Nt., “ntaban nwini.”
Anaa “me kra.”
Anaa “Wɔn ankasa srade atwa wɔn ho ahyia.”
Anaa “wɔbɛtwe yɛn ahwe fam.”
Anaa “me kra.”
Hwɛ Nkyerɛkyerɛmu afã hɔ.