Nnwom 28:1-9

  • Wotiee odwontofo no mpaebɔ

    • ‘Yehowa ne m’ahoɔden ne me kyɛm’ (7)

Dawid dwom. 28  O Yehowa me Botan,+ wo na mefrɛ wo daa.Nsisiw w’aso, m’adesrɛ ho. Sɛ woyɛ komm wɔ me ho a,Mɛyɛ sɛ wɔn a wɔrekɔ amoa* mu no.+   Misu frɛ wo a, tie me,Sɛ mede m’ani kyerɛ wo tenabea kronkron no pia mu pia no na mema me nsa so kyerɛ wo a, tie me.+   Nkan me mfra nnebɔneyɛfo, wɔn a wodi amumɔyɛsɛm no.+Wɔde wɔn ano ka asomdwoesɛm kyerɛ wɔn yɔnko nnipa, nanso bɔne na ɛwɔ wɔn komam.+   Tua wɔn ka sɛnea wɔn suban te,+Sɛnea wɔn nnwuma bɔne te. Tua wɔn ka sɛnea wɔn nsa ano adwuma te,Sɛnea wɔn nneyɛe te,+   Efisɛ wɔmma Yehowa nnwuma nhia wɔn,+Na ne nsa ano adwuma nso, wommu.+ Obedwiriw wɔn agu, na ɔremma wɔn so nsi hɔ.   Ayeyi nka Yehowa,Efisɛ watie me sufrɛ.   Yehowa ne m’ahoɔden+ ne me kyɛm.+Ɔno na mede me koma to no so;+ Waboa me, na me koma di ahurusi,Enti mɛto dwom ayi no ayɛ.   Yehowa yɛ ahoɔden ma ne nkurɔfo,Ɔyɛ abannennen a ɔde nkwagye kɛse brɛ nea wasra no no.+   Gye wo nkurɔfo, na hyira w’agyapade;+ Hwɛ wɔn so,* na soa wɔn wɔ wo kokom daa.+

Ase Hɔ Nsɛm

Anaa “ɔdamoa.”
Anaa “Yɛ oguanhwɛfo ma wɔn.”