Nnwom 46:1-11

  • “Onyankopɔn ne yɛn guankɔbea”

    • Onyankopɔn anwonwadwuma (8)

    • Onyankopɔn ma akodi gyae wɔ asaase nyinaa so (9)

Wɔde ma dwom kyerɛfo. Kora mma dwom.+ Wɔto wɔ Alamot* kwan so. 46  Onyankopɔn ne yɛn guankɔbea ne yɛn ahoɔden,+Ahohia mu boafo a ɔwɔ hɔ daa.+   Ɛno nti sɛ asaase wosow,Na mmepɔw tutu kogu ɛpo ase,+   Sɛ emu nsu bu fa so, na etwa ahuru,+Na mmepɔw wosow biribiri mpo a, yɛrensuro. (Sela)   Asubɔnten bi wɔ hɔ a ne nsuwansuwa ma Onyankopɔn kurow di ahurusi,+Ɛma Ɔsorosoroni no ntamadan kronkron kɛse no di ahurusi.   Onyankopɔn wɔ kurow no mu;+ wɔrentumi nsɛe no. Sɛ edu ahemanakye a, Onyankopɔn bɛba abɛboa no.+   Amanaman no yɛɛ gyegyeegye, wotuu ahenni gui;Ɔmaa ne nne so, na asaase nanee.+   Asafo Yehowa ka yɛn ho;+Yakob Nyankopɔn yɛ yɛn guankɔbea.* (Sela)   Mommra mmɛhwɛ Yehowa nnwuma,Sɛnea wayɛ anwonwadwuma pii wɔ asaase so.   Ɔma akodi gyae wɔ asaase nyinaa so.+ Obubu agyan mu, na otwitwa peaw mu asinasin;Ɔde gya hyew asraafo nteaseɛnam.* 10  “Munnye ntom, na munhu sɛ mene Onyankopɔn. Wɔbɛma me so wɔ amanaman mu;+Wɔbɛma me so, asaase so.”+ 11  Asafo Yehowa ka yɛn ho;+Yakob Nyankopɔn yɛ yɛn guankɔbea.+ (Sela)

Ase Hɔ Nsɛm

Hwɛ Nkyerɛkyerɛmu afã hɔ.
Anaa “yɛn abantenten.”
Ebetumi nso akyerɛ, “akyɛm.”