Nnwom 90:1-17

  • Onyankopɔn wɔ hɔ daa; nnipa nkwa nna yɛ tiaa

    • Mfe apem te sɛ nnɛra (4)

    • Onipa nkwa nna yɛ mfe 70 kosi 80 (10)

    • “Kyerɛ yɛn sɛnea yɛbɛkan yɛn nna” (12)

Nokware Nyankopɔn nipa Mose mpaebɔ.+ 90  O Yehowa, wone yɛn tenabea*+ wɔ awo ntoatoaso nyinaa mu.   Wunnya nwoo mmepɔwNa wunnya nwoo asaase ne wiase no,+Na woyɛ Onyankopɔn fi mmeresanten kosi mmeresanten.+   Woma ɔdasani san kɔ dɔte mu;Woka sɛ: “Nnipa mma, monsan nkɔ dɔte mu.”+   Mfe apem wɔ yɛn ani so te sɛ nnɛra ma wo;+Ɛte sɛ anadwo nnɔnhwerew kakraa bi.*   Wopra wɔn kɔ;+ wotwam kɔ te sɛ dae;Edu anɔpa a, wɔte sɛ sare a afifi.+   Anɔpa enyin fɛfɛɛfɛ, na ɛyɛ frɔmm,Nanso ebedu anwummere no, na atwintwam awu.+   W’abufuw yiri fa yɛn,+Na w’abufuhyew ma ehu ka yɛn.   Wunim yɛn mfomso;*+Hann a efi w’anim ma yɛn ahintasɛm da adi.+   W’abufuw nti, yɛn nna* so tew ntɛmntɛm;Yɛn mfe twam kɔ te sɛ asɛm a wɔaka agu obi asom.* 10  Yɛn nkwa nna yɛ mfe 70,Na sɛ obi wɔ ahoɔden paa a na obenya 80.+ Nanso ɔhaw ne amanehunu ahyɛ mu ma;Etwam ntɛm, na yɛyera.+ 11  Hena na onim sɛnea w’abufuw mu yɛ den fa? Sɛnea osuro a ɛfata wo no kɛse te no, saa ara na w’abufuw te.+ 12  Kyerɛ yɛn sɛnea yɛbɛkan yɛn nna+Na yɛanya nyansa koma. 13  O Yehowa, san bra!+ Wobɛtwɛn akosi da bɛn?+ Hu wo nkoa mmɔbɔ.+ 14  Ma wo dɔ a enni huammɔ no mmee yɛn+ anɔpa,Na yɛatumi abɔ ose, na yɛadi ahurusi+ yɛn nkwa nna nyinaa. 15  Nna dodow a woma yehuu amane no, ma yɛmfa nna dodow no ara nni ahurusi;+Ma ɛnyɛ sɛ mfe dodow a yehuu amane no.+ 16  Ma wo nkoa nhu w’adwuma,Na ma wɔn mma nhu w’anuonyam.+ 17  Ma yennya Yehowa yɛn Nyankopɔn anim dom,Na ma yɛn nsa ano adwuma nyɛ yiye.* Yɛn nsa ano adwuma no, ma ɛnyɛ yiye.*+

Ase Hɔ Nsɛm

Ebetumi nso akyerɛ, “yɛn guankɔbea.”
Anaa “mmere a wɔde wɛn no mu baako.”
Anaa “Woma yɛn mfomso ba w’anim.”
Anaa “nkwa.”
Anaa “te sɛ ahomegu.”
Anaa “nsi yiye.”
Anaa “ma ensi yiye.”