Nnwom 57:1-11

  • Adesrɛ mpaebɔ

    • Onyankopɔn ntaban ase na obi nya guankɔbea (1)

    • Atamfo tɔɔ wɔn ankasa afiri mu (6)

Wɔde ma dwom kyerɛfo; ɔkwan a wɔfa so to no: “Nsɛe Me.” Dawid dwom. Miktam.* Saa bere no, Saul nti na waguan akɔhyɛ ɔbodan mu.+ 57  Hu me mmɔbɔ, O Onyankopɔn, hu me mmɔbɔ,Na wo na mede wo ayɛ me* guankɔbea;+Wo ntaban nwini ase na mede ayɛ me guankɔbea kosi sɛ ɔhaw no betwam.+   Ɔsorosoroni Nyankopɔn na misu frɛ no,Misu frɛ nokware Nyankopɔn no, na me nti ɔma ɔhaw no to twa.   Onyankopɔn bɛsoma afi soro abegye me.+ Ɔbɛma nea ɔpɛ sɛ ɔmene me no agyinatu ayɛ ɔkwa. (Sela) Onyankopɔn bɛsoma ne dɔ a enni huammɔ ne ne nokware.+   Agyata atwa me* ho ahyia;+Nnipa a wɔpɛ sɛ wɔmene me no ntam na meda;Wɔn se te sɛ mpeaw ne agyan,Na wɔn tɛkrɛma te sɛ sekan a ano yɛ nnam.+   O Onyankopɔn, ma wo ho so tra ɔsoro;Ma w’anuonyam nkata asaase nyinaa so.+   Wɔayɛ asau a wɔde besum me* afiri;+Ɔhaw ama mabotow.*+ Wɔatu amoa wɔ m’anim,Nanso wɔn ankasa akɔtɔ mu.+ (Sela)   Me koma nhinhim, O Onyankopɔn,+Me koma nhinhim. Mɛto ayeyi dwom ama wo.   M’anuonyam, nyan ɛ; O sanku, nyan; sankuten, wo nso nyan. enyan ahemanakye.+   O Yehowa, meyi wo ayɛ wɔ amanaman mu;+Mɛto ayeyi dwom* ama wo wɔ aman nyinaa mu.+ 10  Efisɛ wo dɔ a enni huammɔ no so, na ekodu ɔsoro,+Na wo nokwaredi kodu wim. 11  O Onyankopɔn, ma wo ho so tra ɔsoro;Ma w’anuonyam nkata asaase nyinaa so.+

Ase Hɔ Nsɛm

Hwɛ Nkyerɛkyerɛmu afã hɔ.
Anaa “ayɛ me kra.”
Anaa “me kra.”
Anaa “besum me nan.”
Anaa “me kra abotow.”
Anaa “Mɛbɔ nnwom.”