Nnwom 20:1-9

  • Onyankopɔn hene a wasra no no nkwagye

    • Ebinom de wɔn werɛ hyɛ nteaseɛnam mu; ‘yɛn de, yɛbɔ Yehowa din frɛ no’ (7)

Wɔde ma dwom kyerɛfo. Dawid dwom. 20  Ma Yehowa ntie wo* ahohia da. Ma Yakob Nyankopɔn din mmɔ wo ho ban.+   Omfi kronkronbea hɔ mmoa wo,+Na omfi Sion mmeso wo mu.+   Ma ɔnkae w’akyɛde afɔre nyinaa,Na n’ani nsɔ wo hyew afɔre.* (Sela)   Ɔmma wo wo koma so ade,+Na ɔmma nea woabɔ wo tirim sɛ wobɛyɛ nyinaa mmra mu.   Gye a woagye yɛn nti, yebedi ahurusi,+Na yɛn Nyankopɔn din mu na yɛbɛmoma yɛn frankaa so.+ Ma Yehowa nyɛ w’abisade nyinaa mma wo.   Mahu ampa sɛ Yehowa gye nea wasra no no.+ Ofi ne kronkronbea wɔ soro tie no;Ɔde ne nsa nifa yɛ nnwuma* akɛse de gye no.+   Ebinom de wɔn werɛ hyɛ nteaseɛnam mu, ebinom nso de wɔn ho to apɔnkɔ so;+Yɛn de, yɛbɔ Yehowa yɛn Nyankopɔn din frɛ no.+   Wɔadi nkogu na wɔahwehwe ase;Yɛn de, yɛasɔre agyina yɛn nan so bio.+   O Yehowa, gye ɔhene!+ Da a yebesu afrɛ no no, obegye yɛn so.+

Ase Hɔ Nsɛm

Efi nkyekyɛm 1-5 no, ɛbɛyɛ sɛ na ɔman no rekasa kyerɛ ɔhene no.
Nt., “Na ommu wo hyew afɔre sɛ adɔ srade.”
Anaa “di nkonim.”